News January 3, 2025
రింగ్ రోడ్డు అలైన్‌మెంట్ మార్చకపోతే ఉద్యమమే: ఎంపీ లక్ష్మణ్
TG: రాష్ట్రప్రభుత్వం రింగ్ రోడ్డు(RRR) ఉత్తర అలైన్‌మెంట్‌ను మార్చాలని బీజేపీ ఎంపీ లక్ష్మణ్ డిమాండ్ చేశారు. లేదంటే బాధితుల తరఫున భారీ ఉద్యమాన్ని మొదలుపెడతామని హెచ్చరించారు. ‘బీఆర్ఎస్ అధికారంలో ఉండగా కాంగ్రెస్ కూడా అలైన్‌మెంట్ మార్చాలనే డిమాండ్ చేసింది. ఆ పార్టీ అగ్రనేత ప్రియాంకా గాంధీ వచ్చి భువనగిరిలో బాధితులకు హామీ ఇచ్చారు. ఇప్పుడు అధికారం రాగానే పట్టించుకోవడం మానేశారు’ అని విమర్శించారు.
Similar News
News January 7, 2025
వాలంటీర్లు వద్దే వద్దు: నిరుద్యోగ జేఏసీ
AP: వాలంటీర్లను అడ్డం పెట్టుకొని వైసీపీ కార్యక్రమాలు నిర్వహించిందని నిరుద్యోగ జేఏసీ రాష్ట్ర కన్వీనర్ షేక్ సిద్ధిక్ అన్నారు. ఆ వ్యవస్థను తిరిగి ప్రవేశపెట్టొద్దని ఆయన డిమాండ్ చేశారు. YCP హయాంలో వాలంటీర్లకు చెల్లించిన రూ.700కోట్లను మాజీ CM జగన్ నుంచి రాబట్టాలని ప్రభుత్వాన్ని కోరారు. వారికి డబ్బులిచ్చి ప్రజాధనం వృథా చేస్తున్నట్లు గతంలోనే హైకోర్టులో పిల్ దాఖలు చేసినట్లు సిద్ధిక్ గుర్తుచేశారు.
News January 7, 2025
hMP వైరస్ వ్యాప్తి.. గాంధీ ఆసుపత్రి సిద్ధం!
TG: hMPV కరోనా అంత ప్రమాదకరం కాదని గాంధీ ఆసుపత్రి వైద్యులు తెలిపారు. ఇది సాధారణ ఇన్‌ఫ్లూయెంజా మాత్రమేనని, 4 నుంచి 7 రోజుల్లో తగ్గిపోతుందన్నారు. అటు బాధితులకు గాంధీలో ప్రత్యేక ఏర్పాట్లు చేసినట్లు చెప్పారు. సుమారు 600 ఆక్సిజన్ బెడ్స్, 450కి పైగా వెంటిలేటర్లు, 400 మానిటర్లు, 40వేల కి.లీటర్ల లిక్విడ్ ఆక్సిజన్ ట్యాంకులు, వందలాది ఆక్సిజన్ సిలిండర్లు, పీడియాట్రిక్ వెంటిలేటర్లు అందుబాటులో ఉన్నాయన్నారు.
News January 7, 2025
ఇంగ్లండ్‌తో సిరీస్.. బుమ్రాకు రెస్ట్!
ఈనెల 22 నుంచి ఇంగ్లండ్‌ ప్రారంభమయ్యే సిరీస్‌కు భారత స్టార్ పేసర్ బుమ్రాకు రెస్ట్ ఇవ్వనున్నట్లు తెలుస్తోంది. అతడిపై విపరీతమైన పనిభారం పడటమే అందుకు కారణం. గత 4 నెలల్లో బుమ్రా 10 టెస్టులు ఆడారు. BGTలో మొత్తం 150 ఓవర్లు వేయగా.. మెల్‌బోర్న్ టెస్టులోనే 53.2 ఓవర్లు బౌలింగ్ చేశారు. ఇప్పటికే బుమ్రా AUSతో చివరి టెస్ట్‌లో గాయపడ్డారు. దీంతో ఛాంపియన్స్ ట్రోఫీకి సిద్ధమయ్యేందుకు అతడికి విశ్రాంతి ఇవ్వనున్నారు.