News January 6, 2025
జ్వరం, దగ్గు, జలుబుతో బాధపడుతున్నారా?
TGలో ఉష్ణోగ్రతలు పడిపోవడం, కాలుష్య తీవ్రత వల్ల వైరల్ ఫీవర్స్, ఫ్లూ వైరస్ వ్యాప్తి బాగా పెరిగింది. దీంతో దాదాపు ప్రతి ఇంట్లో ఒక్కరైనా జ్వరం/దగ్గు/జలుబుతో బాధపడుతున్నారు. కొందరిని గొంతు ఇన్ఫెక్షన్ వేధిస్తోంది. మరోవైపు చైనాలో విజృంభిస్తున్న HMPV వైరస్ లక్షణాలు కూడా ఇలాగే ఉండటంతో ప్రభుత్వం అలర్ట్ అయింది. ఏ లక్షణాలతో ఎక్కువమంది ఆసుపత్రుల్లో చేరుతున్నారనే వివరాలను సేకరిస్తోంది. మీరూ జ్వరబాధితులేనా?
Similar News
News January 8, 2025
అంధకార ఆంధ్రప్రదేశ్‌కు మోదీ రాకతో వెలుగులు: పవన్
AP: గత ఐదేళ్లు అవినీతి, అరాచక పాలనతో రాష్ట్రం అంధకారంలో కూరుకుపోయిందని డిప్యూటీ సీఎం పవన్ కళ్యాణ్ విశాఖ సభలో ఆరోపించారు. ఇవాళ మోదీ రాకతో రూ.2.10 లక్షల కోట్ల పెట్టుబడులు, 7.5 లక్షల మందికి ఉపాధి అవకాశాలు వస్తున్నాయని చెప్పారు. పీఎం సడక్ యోజన ద్వారా గ్రామాలకు రోడ్లు వేస్తున్నామని, ఇంటింటికీ తాగు నీరు ఇస్తున్నామని పేర్కొన్నారు. పెట్టుబడుల ద్వారా రాష్ట్రంలో మోదీ వెలుగులు నింపుతున్నారని వెల్లడించారు.
News January 8, 2025
‘పుష్ప-2’ రీలోడెడ్ వెర్షన్ విడుదల వాయిదా
బాక్సాఫీస్ వద్ద సంచలనం సృష్టించిన ‘పుష్ప-2’ రీలోడెడ్ వెర్షన్ ముందుగా ప్రకటించినట్లు ఈనెల 11న విడుదల కావట్లేదని మేకర్స్ ప్రకటించారు. 20 నిమిషాల వీడియోను కలపడంలో టెక్నికల్ సమస్యలు ఏర్పడటంతో వాయిదా వేస్తున్నట్లు తెలిపారు. ఈనెల 17నుంచి ఈ రీలోడెడ్ వెర్షన్ థియేటర్లలో అందుబాటులో ఉంటుందని వెల్లడించారు. కాగా, సంక్రాంతి సందర్భంగా గేమ్ ఛేంజర్, సంక్రాంతికి వస్తున్నాం, డాకు మహారాజ్ విడుదల కానున్నాయి.
News January 8, 2025
APపై గోదావరి రివర్ బోర్డుకు TG ఫిర్యాదు
TG: పోలవరం, బనకచర్ల ప్రాజెక్టులపై ఏపీ, కేంద్రం, గోదావరి రివర్ బోర్డుకు తెలంగాణ లేఖ రాసింది. ‘వరద జలాల ఆధారంగా గోదావరిపై ఏపీ నిర్మిస్తున్న ప్రాజెక్టులకు ఎలాంటి అనుమతులు లేవు. పోలవరం ప్రాజెక్టు వల్ల భద్రాచలం ముంపునకు గురవుతుంది. నీటి వాటాలు తేలేవరకూ బనకచర్ల పనులు నిలిపేయాలి. ఇందుకు కేంద్రం, గోదావరి బోర్డు చర్యలు తీసుకోవాలి’ అని తెలంగాణ డిమాండ్ చేసింది.