News January 6, 2025
రాష్ట్రంలోని ఆలయాల్లో ఎంత బంగారం ఉందంటే?
TG: రాష్ట్రంలోని అన్ని ఆలయాల్లో కలిపి 1,048 కేజీల బంగారం, 38,783 కేజీల వెండి ఉన్నట్లు అధికారులు వెల్లడించారు. అత్యధికంగా వేములవాడ రాజన్న ఆలయానికి 97kgs బంగారం సమకూరిందని తెలిపారు. తర్వాతి స్థానాల్లో భద్రాచలం (67), యాదగిరి గుట్ట (61) ఉన్నాయి. ఈ బంగారం ఆయా ఆలయాల పరిధిలోనే ఉంటుందని, కానుకల రూపంలో వచ్చిన బంగారాన్ని మాత్రమే ఆలయ అవసరాల కోసం ప్రభుత్వ అనుమతితో కరిగిస్తారని అధికారులు పేర్కొన్నారు.
Similar News
News January 8, 2025
ఇది రాష్ట్ర చరిత్రలో నిలిచిపోయే రోజు: సీఎం చంద్రబాబు
AP: వైజాగ్ సమావేశంలో ప్రధాని మోదీపై సీఎం చంద్రబాబు ప్రశంసలు కురిపించారు. ‘మోదీ అంటే ఓ విశ్వాసం. ఇది రాష్ట్ర చరిత్రలో నిలిచిపోయే రోజు. రూ. 2.10 లక్షల కోట్ల విలువైన ప్రాజెక్టులకు శంకుస్థాపన చేశాం. ఎన్నికలయ్యాక మొదటిసారిగా నరేంద్ర మోదీ ఏపీకి వచ్చారు. వచ్చిన వెంటనే ఎన్నో పెట్టుబడుల్ని అందించారు. ఆయన ప్రపంచం మెచ్చే నాయకుడు. దేశానికెప్పుడూ ఆయనే ప్రధానిగా ఉంటారు’ అని కొనియాడారు.
News January 8, 2025
ఛాంపియన్స్ ట్రోఫీకి తెలుగు కుర్రాడు?
ఛాంపియన్స్ ట్రోఫీకి తెలుగు కుర్రాడు తిలక్ వర్మను BCCI ఎంపిక చేస్తుందని వార్తలు వస్తున్నాయి. ఆయనతోపాటు అవేశ్ ఖాన్, రింకూ సింగ్, వరుణ్ చక్రవర్తిని కూడా సెలక్ట్ చేస్తారని టాక్. ఇక కెప్టెన్‌గా రోహిత్ శర్మను కొనసాగించడం లాంఛనమేనని తెలుస్తోంది. ప్రాబబుల్ జట్టు: రోహిత్, కోహ్లీ, గిల్, జైస్వాల్, రాహుల్, పంత్, హార్దిక్, అక్షర్, వరుణ్/బిష్ణోయ్, సుందర్, బుమ్రా, అర్ష్‌దీప్, సిరాజ్, అవేశ్/షమీ, రింకూ/తిలక్.
News January 8, 2025
అంధకార ఆంధ్రప్రదేశ్‌కు మోదీ రాకతో వెలుగులు: పవన్
AP: గత ఐదేళ్లు అవినీతి, అరాచక పాలనతో రాష్ట్రం అంధకారంలో కూరుకుపోయిందని డిప్యూటీ సీఎం పవన్ కళ్యాణ్ విశాఖ సభలో ఆరోపించారు. ఇవాళ మోదీ రాకతో రూ.2.10 లక్షల కోట్ల పెట్టుబడులు, 7.5 లక్షల మందికి ఉపాధి అవకాశాలు వస్తున్నాయని చెప్పారు. పీఎం సడక్ యోజన ద్వారా గ్రామాలకు రోడ్లు వేస్తున్నామని, ఇంటింటికీ తాగు నీరు ఇస్తున్నామని పేర్కొన్నారు. పెట్టుబడుల ద్వారా రాష్ట్రంలో మోదీ వెలుగులు నింపుతున్నారని వెల్లడించారు.