News January 6, 2025
‘డాకు మహారాజ్’లో కీలక పాత్ర పోషించిన డైరెక్టర్
నందమూరి బాలకృష్ణ ‘డాకు మహారాజ్’ ట్రైలర్ నిన్న విడుదలైన విషయం తెలిసిందే. ఇందులో నేషనల్ అవార్డ్ పొందిన డైరెక్టర్ సందీప్ రాజ్ కీలక పాత్రలో కనిపించారు. దీనిపై ఆయన స్పందిస్తూ, సినిమాల్లోకి రావాలని తాను చిన్ననాటి నుంచే కలలు కన్నట్లు ట్వీట్ చేశారు. ‘ఒక్క ఫోన్ కాల్‌తో నెక్స్ట్ డే వచ్చి షూటింగ్‌లో పాల్గొన్నావ్. థాంక్స్ తమ్ముడు. అదరగొట్టావ్’ అని డైరెక్టర్ బాబీ రిప్లై ఇచ్చారు.
Similar News
News January 8, 2025
పృథ్వీ షా కఠోర సాధన: పిక్స్ వైరల్
టీమ్ ఇండియా క్రికెటర్ పృథ్వీ షా కఠోర సాధన చేస్తున్నారు. ఫిట్‌నెస్ మెరుగుపరుచుకునేందుకు ఆయన మైదానం, జిమ్‌లోనూ కసరత్తులు చేస్తున్నారు. తాజాగా ట్రాక్‌పై పరిగెత్తుతూ, జిమ్‌లో వర్కౌట్ చేస్తూ, టెన్నిస్ ఆడుతూ కనిపించారు. ఇందుకు సంబంధించిన ఫొటోలను పృథ్వీ SMలో పంచుకున్నారు. కాగా జాతీయ జట్టుతోపాటు దేశవాళీ జట్టులో కూడా షా చోటు కోల్పోయిన సంగతి తెలిసిందే. మరోవైపు ఐపీఎల్‌లో కూడా ఆయనను ఏ ఫ్రాంచైజీ కొనలేదు.
News January 8, 2025
సినిమాల్లో సక్సెస్ అవ్వకపోతే?.. రామ్ చరణ్ అన్సర్ ఇదే
చిన్నప్పటి నుంచి ఇంట్లో సినిమా ప్రభావం తమపై పడకుండా నాన్న చిరంజీవి జాగ్రత్తలు తీసుకున్నారని హీరో రామ్ చరణ్ అన్నారు. ఆ తర్వాత తన మార్కులు చూసి ఏమవుతావని తన తండ్రి అడిగితే సినిమాల్లోకి వస్తానని చెప్పినట్లు ఓ ఇంటర్వ్యూలో పేర్కొన్నారు. ఒకవేళ సినిమాల్లో సక్సెస్ అవ్వకుంటే ప్లాన్-బి ఏమీ లేదన్నారు. డూ ఆర్ డై ఏదైనా ఇక్కడే అనుకున్నానని తెలిపారు. కాగా ఆయన నటించిన ‘గేమ్ ఛేంజర్’ ఎల్లుండి రిలీజ్ కానుంది.
News January 8, 2025
BREAKING: త్వరలో సర్పంచ్ ఎన్నికలు: సీఎం
తెలంగాణలో త్వరలోనే పంచాయతీ ఎన్నికలు జరుగుతాయని సీఎం రేవంత్ రెడ్డి వెల్లడించారు. ప్రభుత్వ పథకాలను ప్రజల్లోకి తీసుకెళ్లాలని పీసీసీ చీఫ్ మహేశ్ కుమార్ గౌడ్‌తో భేటీలో సూచించారు. ఈ నెల 26న రైతు భరోసా ఇస్తున్నామని, రైతు కూలీలకు ఏడాదికి రూ.12వేలు అందిస్తామని, రూ.21వేల కోట్ల రుణమాఫీ చేశామని పీసీసీ చీఫ్‌కు సీఎం వివరించారు. కాగా బీసీ రిజర్వేషన్లపై నివేదిక వచ్చాక ఎన్నికలు జరిగే అవకాశముంది.