News January 6, 2025
చిత్తూరు: మిడ్ డే మీల్స్‌లో స్వల్ప మార్పు
డొక్కా సీతమ్మ మధ్యాహ్న భోజన పథకంలో శనివారం ఒక్కరోజు మెనూలో మార్పు చేస్తూ రాష్ట్ర ప్రభుత్వం ఉత్తర్వులు జారీ చేసిందని DEO వరలక్ష్మి తెలిపారు. గతంలో శనివారం పాఠశాల విద్యార్థులకు గ్రీన్ లీఫీ వెజ్ రైస్, స్వీట్ పొంగల్, రాగి జావా పెట్టే వారన్నారు. ప్రస్తుతం స్వల్ప మార్పు చేస్తూ.. ఆ స్థానంలో రైస్, సాంబార్, వెజిటేబుల్ కర్రీ, స్వీట్ పొంగల్, రాగి జావా వడ్డించాలన్నారు. మండలధికారులు పర్యవేక్షించాలని సూచించారు.
Similar News
News January 9, 2025
తిరుపతిలో రేపు హర్యానా గవర్నర్ బండారు పర్యటన
తిరుపతిలో హర్యానా గవర్నర్ బండారు దత్తాత్రేయ గురువారం పర్యటిస్తారని సమాచార శాఖ ఓ ప్రకటనలో తెలిపింది. శ్రీ పద్మావతి మహిళా విశ్వవిద్యాలయంలో ఉదయం 11. గంటలకు జరగనున్న ప్రవాసీ భారతీయ దివస్ (NRI) కార్యక్రమానికి ఆయన ముఖ్య అతిథిగా హాజరవుతారని వెల్లడించారు.
News January 9, 2025
రేపు తిరుపతికి చంద్రబాబు రాక
తిరుపతి ఘటనపై సీఎం చంద్రబాబు తీవ్ర దిగ్ర్భాంతి వ్యక్తం చేశారు. బాధిత కుటుంబాలను పరామర్శించేందుకు సీఎం గురువారం తిరుపతికి రానున్నారు. మృతుల కుటుంబాలను, గాయపడిన వారిని ఆయన పరామర్శిస్తారని సమాచారం.
News January 8, 2025
పెద్దిరెడ్డికి ఆయుధాలు ఇచ్చేయండి: హైకోర్టు
ఎన్నికల ముందు మాజీ మంత్రి పెద్దిరెడ్డి రామచంద్రారెడ్డి, ఆయన తనయుడు మిథున్ రెడ్డి నుంచి పోలీసులు లైసెన్స్‌డ్ ఆయుధాలు స్వాధీనం చేసుకున్నారు. వీటిని తిరిగి ఇవ్వకపోవడంతో పెద్దిరెడ్డి హైకోర్టులో పిటిషన్ వేశారు. దీనిపై నిన్న విచారణ జరిగింది. 2 వారాల్లోనే పెద్దిరెడ్డి కుటుంబ సభ్యులకు ఆయుధాలు అప్పగించాలని జస్టిస్ బొప్పన వరాహ లక్ష్మీనరసింహ చక్రవర్తి ఆదేశించారు.