News January 7, 2025
వారిద్దరి కారణంగా KCR నష్టపోయారు: ఎంపీ అరవింద్
TG: బీఆర్ఎస్ వర్కింగ్ ప్రెసిడెంట్ KTR, MLC కవితపై BJP MP అరవింద్ విమర్శలు గుప్పించారు. మాజీ CM కేసీఆర్‌కు వారిద్దరూ నష్టం కలిగించారని ఆరోపించారు. ‘పదేళ్ల పాటు ఆ కుటుంబం రాష్ట్రాన్ని దోచుకుంది. కొడుకు, కూతురిని అదుపులో పెట్టకపోతే కేసీఆర్ నష్టపోతారు. తప్పు చేసినవారికి శిక్ష తప్పదు. కేటీఆర్ జైలుకు వెళ్లక తప్పదు. తాము ఇంకా సీఎం, మంత్రులం అనే భ్రమల నుంచి కేసీఆర్, కేటీఆర్ బయటికి రావాలి’ అని సూచించారు.
Similar News
News January 9, 2025
కాసేపట్లో చంద్రబాబు ప్రెస్‌మీట్
తిరుపతి తొక్కిసలాట ఘటనపై TTD అధికారులతో AP CM చంద్రబాబు సమీక్ష ముగిసింది. దేవస్థాన అధికారుల పనితీరుపై సీఎం అసహనం వ్యక్తం చేసినట్లు తెలుస్తోంది. అటు భేటీ వివరాలను కాసేపట్లో ప్రెస్‌మీట్‌లో చంద్రబాబు వెల్లడించే అవకాశముంది.
News January 9, 2025
Rs.3961CR బకాయిలు: TGపై గ్లోబల్ లిక్కర్ కంపెనీల ఒత్తిడి
బకాయిలు వెంటనే చెల్లించాలని తెలంగాణ ప్రభుత్వంపై గ్లోబల్ ఆల్కహాల్ కంపెనీలు ఒత్తిడి తెస్తునట్టు తెలిసింది. డియాజియో, పెర్నాడ్ రికార్డ్, కాల్స్‌బర్గ్ వంటి కంపెనీలకు ప్రభుత్వం $466m (Rs.3961CR) బాకీ పడింది. దీంతో ఎన్నడూలేని విధంగా Heineken ఈ వారం ఆల్కహాల్ సరఫరాను సస్పెండ్ చేసినట్టు సమాచారం. రూ.900 కోట్ల బకాయిలు చెల్లించకపోవడంతో కింగ్‌ఫిషర్ బీర్లు ఉత్పత్తి చేసే UBL సరఫరాను బంద్ చేయడం తెలిసిందే.
News January 9, 2025
రేపు కలెక్టర్లతో సీఎం రేవంత్ సమావేశం
TG: సీఎం రేవంత్ రెడ్డి రేపు మధ్యాహ్నం 3 గంటలకు సచివాలయంలో కలెక్టర్లతో భేటీ కానున్నారు. రాష్ట్ర ప్రభుత్వం సంక్రాంతి తర్వాత పలు పథకాలను ప్రారంభించనున్న సంగతి తెలిసిందే. ఈ నేపథ్యంలో రైతు భరోసా, రేషన్ కార్డుల పంపిణీ, ఇందిరమ్మ ఆత్మీయ భరోసా, ఇందిరమ్మ ఇళ్ల పథకం అమలు విషయంలో ఆయన వారితో చర్చించనున్నట్లు తెలుస్తోంది.