News January 7, 2025
తొలి హైడ్రా పోలీస్ స్టేషన్ ఏర్పాటు
TG: చెరువుల పరిరక్షణకు ఏర్పాటైన హైడ్రా తొలి పోలీస్ స్టేషన్ ఏర్పాటైంది. బుద్ధ భవన్‌లోని బి-బ్లాక్‌లో ఏర్పాటు చేస్తున్నట్లు ప్రభుత్వం ఉత్తర్వులు జారీ చేసింది. హైడ్రా కార్యకలాపాలన్నీ ఈ స్టేషన్ ద్వారా నిర్వహిస్తారు. ఏసీపీ స్థాయి అధికారి నిర్వహణను చూస్తారు. దీనికి తగిన సిబ్బందిని కేటాయించాలని డీజీపీ ఆదేశాలు జారీ చేశారు. చెరువులు, నాలాల ఆక్రమణలపై ప్రజలకున్న ఫిర్యాదుల్ని ఈ స్టేషన్లో స్వీకరిస్తారు.
Similar News
News January 9, 2025
Stock Markets: ఫార్మా, ఫైనాన్స్ షేర్లు డౌన్
బెంచ్‌మార్క్ సూచీలు నష్టాల్లో కొనసాగుతున్నాయి. గ్లోబల్ మార్కెట్ల నుంచి నెగటివ్ సంకేతాలే అందాయి. Q3 results నిరాశాజనకంగా ఉంటాయన్న అంచనాతో ఇన్వెస్టర్లు అమ్మకాలకు దిగుతున్నారు. నిఫ్టీ 23,608 (-83), సెన్సెక్స్ 77,902 (-245) వద్ద ట్రేడవుతున్నాయి. fmcg, media షేర్లు జోరు ప్రదర్శిస్తున్నాయి. bank, ఫైనాన్స్, ఫార్మా, రియాల్టి షేర్లపై సెల్లింగ్ ప్రెజర్ నెలకొంది. కొటక్, hul, bajaj auto, itc టాప్ గెయినర్స్.
News January 9, 2025
తిరుపతి క్షతగాత్రుల ఆరోగ్య పరిస్థితిపై అప్‌డేట్
తిరుపతి తొక్కిసలాటలో గాయపడిన వారి పరిస్థితిపై స్విమ్స్ సూపరింటెండెంట్ రవి కుమార్ తాజాగా వివరాలు వెల్లడించారు. క్షతగాత్రులందరికీ చికిత్స అందిస్తున్నట్లు చెప్పారు. ముగ్గురు మాత్రం మూడు రోజుల అబ్జర్వేషన్‌లో ఉండాలని తెలిపారు. రుయా ఆస్పత్రిలో ఉన్నవారిని స్విమ్స్‌కు తరలించగా, మొత్తం 13మంది అక్కడ చికిత్స పొందుతున్నారు. సీఎం చంద్రబాబు ఇక్కడికే వచ్చి క్షతగాత్రులను పరామర్శించనున్నారు.
News January 9, 2025
ఏసీబీ విచారణకు బయల్దేరిన కేటీఆర్
TG: ఫార్ములా-e రేసు కేసులో KTR నందినగర్ నివాసం నుంచి ఏసీబీ విచారణకు బయల్దేరారు. కేటీఆర్ లాయర్‌, మాజీ ఏఏజీ రామచందర్ రావు ఆయనతో పాటు వెళ్తున్నారు. కాగా, విచారణ జరిగే గది పక్కనే ఉన్న లైబ్రరీ రూం వరకే లాయర్‌ను అనుమతించనున్నారు. కేటీఆర్ విచారణ దృష్ట్యా అప్రమత్తమైన పోలీసులు ACB ఆఫీస్ వద్ద భారీ భద్రత ఏర్పాటు చేశారు. IAS దాన కిషోర్ ఇచ్చిన ఫిర్యాదు మేరకు KTRను విచారించనున్నారు.