News January 8, 2025
PMతో ప్రత్యేక‌హోదా ప్రకటన చేయించండి: షర్మిల
AP: విశాఖ వస్తున్న PM మోదీతో రాష్ట్రానికి ప్రత్యేక‌హోదా ప్రకటన చేయించాలని రాష్ట్ర కాంగ్రెస్ చీఫ్ షర్మిల ప్రభుత్వాన్ని కోరారు. ‘చంద్రబాబు గారూ మీరు మోదీ కోసం ఎదురు చూస్తుంటే ఆయన ఇచ్చిన వాగ్దానాల కోసం రాష్ట్రం ఎదురు చూస్తోంది. తిరుపతి వేదికగా రాష్ట్రానికి పదేళ్లు ప్రత్యేక‌హోదా అన్నారు. మాటలు కోటలు దాటాయి తప్పిస్తే చేతలకు దిక్కులేదు. విశాఖ స్టీల్ ప్రైవేటీకరణ లేదని PMతో పలికించండి’ అని ట్వీట్ చేశారు.
Similar News
News January 9, 2025
పవర్‌ఫుల్ పాస్‌పోర్ట్స్: ఇండియా ర్యాంక్ ఇదే!
ప్రపంచంలోని శక్తిమంతమైన పాస్‌పోర్ట్‌ల జాబితాలో భారత్ 5 స్థానాలు దిగజారింది. 80 నుంచి 85వ స్థానానికి ప‌డిపోయింది. వీసా ర‌హితంగా ట్రావెల్ చేయ‌గ‌లిగిన గ‌మ్య‌స్థానాల సంఖ్య ఆధారంగా హెన్లీ పాస్పోర్ట్ ఇండెక్స్ 2025 ఈ ర్యాంకింగ్స్ ఇచ్చింది. భారతీయ పాస్పోర్ట్ హోల్డర్లు 57 గమ్యస్థానాలకు వీసా లేకుండా ప్రయాణించవచ్చు. సింగ‌పూర్ శక్తిమంతమైన పాస్పోర్ట్ (195 గమ్యస్థానాలకు వీసా ఫ్రీ)గా నిలిచింది.
News January 9, 2025
అవినీతి ఎక్కడ జరిగింది?: KTR
TG: తనపై పెట్టింది రాజకీయ కక్షపూరిత కేసు అని KTR మరోసారి చెప్పారు. ‘నేను పైసలు పంపాను. డబ్బులు వచ్చాయని వాళ్లు చెబుతున్నారు. ఇందులో అవినీతికి ఆస్కారం ఎక్కడ ఉంది? ఇదే విషయం అధికారులను అడిగాను. అసంబద్ధ కేసులో నన్ను ఎందుకు విచారిస్తున్నారని అధికారులను ప్రశ్నించా. విచారణకు ఫార్ములా సంస్థను ఎందుకు పిలవలేదని అడిగా. ACB అధికారుల నుంచి సమాధానం లేదు’ అని ఆయన ఆరోపించారు.
News January 9, 2025
బూడిదైన అమెరికా అధ్యక్షుడి కొడుకు భవనం
అమెరికా అధ్యక్షుడు జో బైడెన్ తనయుడు హంటర్ బైడెన్‌కు చెందిన 75 ఏళ్ల ఇల్లు లాస్ ఏంజెలిస్ కార్చిచ్చులో కాలి బూడిదైంది. 3 పడకగదులతో కూడిన ఆ ఇంటితో పాటు ఇంటి ముందు నిలిపి ఉన్న కారు కూడా బూడిదకుప్పలా మారినట్లు సమాచారం. ఈ ఇంటిని 1950లో నిర్మించినట్లు తెలుస్తోంది. కాగా, కార్చిచ్చులో ఇప్పటి వరకు 2 వేల ఇళ్లు కాలినట్లు అంచనా. ఏకంగా 50 బిలియన్‌ డాలర్ల మేర నష్టం వాటిల్లిందని అధికారులు చెబుతున్నారు.