News January 8, 2025
CT: అఫ్గాన్ మెంటార్‌గా యూనిస్ ఖాన్
పాకిస్థాన్ మాజీ క్రికెటర్ యూనిస్ ఖాన్ ఛాంపియన్స్ ట్రోఫీ-2025లో అఫ్గానిస్థాన్ టీమ్ మెంటార్‌గా వ్యవహరించనున్నారు. ఈ విషయాన్ని అఫ్గాన్ క్రికెట్ బోర్డు ధ్రువీకరించింది. గతంలో ఆయన అఫ్గాన్‌కు బ్యాటింగ్ కోచ్‌గానూ పనిచేశారు. ఆయనకు PSL, అబుదాబి T10 లీగ్‌లో కోచ్‌గా పనిచేసిన అనుభవం ఉంది. ఫిబ్రవరి 19న పాకిస్థాన్VSన్యూజిలాండ్ మ్యాచుతో ఛాంపియన్స్ ట్రోఫీ ప్రారంభం కానుంది.
Similar News
News January 9, 2025
చంద్రబాబు సహా అందరూ బాధ్యులే: జగన్
AP:తిరుపతిలో నిన్న జరిగిన ఘటన చాలా బాధాకరమని YS జగన్ అన్నారు. రాష్ట్ర చరిత్రలోనే ఎప్పుడూ ఇలాంటి ఘటన జరగలేదని పేర్కొన్నారు. స్విమ్స్ ఆస్పత్రిలో బాధితులను పరామర్శించాక ఆయన మీడియాతో మాట్లాడారు. ఏటా జరిగే వైకుంఠ ద్వార దర్శనానికి లక్షలాది మంది వస్తారని తెలిసి కూడా ఎందుకు సరైన ఏర్పాట్లు చేయలేదని ప్రభుత్వంపై మండిపడ్డారు. దీనికి CM నుంచి TTD ఛైర్మన్, EO, SP, కలెక్టర్ అందరూ బాధ్యులేనని ధ్వజమెత్తారు.
News January 9, 2025
పవర్‌ఫుల్ పాస్‌పోర్ట్స్: ఇండియా ర్యాంక్ ఇదే!
ప్రపంచంలోని శక్తిమంతమైన పాస్‌పోర్ట్‌ల జాబితాలో భారత్ 5 స్థానాలు దిగజారింది. 80 నుంచి 85వ స్థానానికి ప‌డిపోయింది. వీసా ర‌హితంగా ట్రావెల్ చేయ‌గ‌లిగిన గ‌మ్య‌స్థానాల సంఖ్య ఆధారంగా హెన్లీ పాస్పోర్ట్ ఇండెక్స్ 2025 ఈ ర్యాంకింగ్స్ ఇచ్చింది. భారతీయ పాస్పోర్ట్ హోల్డర్లు 57 గమ్యస్థానాలకు వీసా లేకుండా ప్రయాణించవచ్చు. సింగ‌పూర్ శక్తిమంతమైన పాస్పోర్ట్ (195 గమ్యస్థానాలకు వీసా ఫ్రీ)గా నిలిచింది.
News January 9, 2025
అవినీతి ఎక్కడ జరిగింది?: KTR
TG: తనపై పెట్టింది రాజకీయ కక్షపూరిత కేసు అని KTR మరోసారి చెప్పారు. ‘నేను పైసలు పంపాను. డబ్బులు వచ్చాయని వాళ్లు చెబుతున్నారు. ఇందులో అవినీతికి ఆస్కారం ఎక్కడ ఉంది? ఇదే విషయం అధికారులను అడిగాను. అసంబద్ధ కేసులో నన్ను ఎందుకు విచారిస్తున్నారని అధికారులను ప్రశ్నించా. విచారణకు ఫార్ములా సంస్థను ఎందుకు పిలవలేదని అడిగా. ACB అధికారుల నుంచి సమాధానం లేదు’ అని ఆయన ఆరోపించారు.