News January 8, 2025
NZB: గురుకులాల్లో ప్రవేశాలకు దరఖాస్తులు చేసుకోవాలి: కలెక్టర్
ఉజ్వల భవిష్యత్తుకు బంగారు బాటలు వేస్తున్న ప్రభుత్వ గురుకులాల్లో ప్రవేశాల కోసం విద్యార్థులు ఆన్‌లైన్‌లో దరఖాస్తులు చేసుకోవాలని కలెక్టర్ రాజీవ్ గాంధీ హనుమంతు సూచించారు. 2025-26 విద్యా సంవత్సరంలో వివిధ గురుకులాల్లో ఈ ఏడాది ఫిబ్రవరి 23న కామన్ ఎంట్రన్స్ టెస్ట్ నిర్వహించనున్నట్లు తెలిపారు. https://tgcet.cgg.gov.in ద్వారా ఆన్‌లైన్‌లో ఫిబ్రవరి 01వ తేదీ లోపు దరఖాస్తులు చేసుకోవాలని పేర్కొన్నారు.
Similar News
News January 9, 2025
NZB: అక్కడ ఆ తేదీల్లో సౌకర్యాలు కల్పించండి: మైనారిటీ కమిషన్ ఛైర్మన్
నిజామాబాద్ నగర సమీపంలోని సారంగపూర్ వద్ద ఈ నెల 19, 20, 21 తేదీలలో జరిగే ఇజ్తెమాకు తగు సౌకర్యాలు కల్పించాలని రాష్ట్ర మైనారిటీ కమిషన్ ఛైర్మన్ తారిఖ్ అన్సారీ మున్సిపల్ కమిషనర్ దిలీప్ ను ఆదేశించారు. ఈ ఇజ్తెమాకు నిజామాబాద్, మెదక్ ఉమ్మడి జిల్లాల నుండి సుమారు 30 వేల పైచిలుకు మంది హాజరయ్యే అవకాశం ఉన్నందున తాగునీటి వసతి, శానిటేషన్ వంటి సదుపాయాలు కల్పించాలని సూచించారు.
News January 9, 2025
గోలిలింగాల గ్రామ కార్యదర్శిగా సంతోష్ కుమార్
నాగిరెడ్డిపేట మండలం గోలిలింగాల గ్రామ నూతన కార్యదర్శిగా సంతోష్ కుమార్ నియమితులయ్యారు. దీంతో ఇవాళ గ్రామ పెద్దలు శాలువాతో ఘనంగా సన్మానించారు. సంతోష్ కుమార్.. గోలిలింగాల గ్రామ కార్యదర్శిగా వచ్చినందుకు ఎంతో సంతోషంగా ఉందన్నారు. గతంలో బొల్లారం గ్రామాన్ని ఎంతో అభివృద్ధి చేశారని గ్రామపెద్దలు పేర్కొన్నారు.
News January 9, 2025
సంక్రాంతికి ఊరెళ్తున్నారా..? మాకు చెప్పండి: SP
సంక్రాంతి పండుగ సందర్బంగా ఇంటికి తాళమేసి ఊరెళ్తున్నారా ఐతే, అప్రమత్తంగా ఉండాలని కామారెడ్డి జిల్లా ఎస్పీ సింధు శర్మ సూచించారు. పండుగ సందర్భంగా చాలా మంది తమ స్వస్థలాలకు వెళుతుంటారు. ఇదే అదనుగా దొంగలు చేతివాటం ప్రదర్శిస్తారు. దొంగతనాల నియంత్రణకు.. తమ గ్రామాలకు వెళ్లే ముందు సమీప పోలీస్ స్టేషన్ లో సమాచారం అందించాలని ఆమె సూచించారు.