News January 8, 2025
కేటీఆర్ పిటిషన్పై హైకోర్టు కీలక ఆదేశాలు
TG: ఏసీబీ విచారణకు కేటీఆర్ వెంట లాయర్ను తీసుకెళ్లొచ్చని హైకోర్టు తెలిపింది. ఆడియో, వీడియో రికార్డు చేసేందుకు నిరాకరించగా సీసీ టీవీ పర్యవేక్షణలో విచారణ జరపాలని ఏసీబీని ఆదేశించింది. మరోవైపు కేటీఆర్ వెంట లాయర్ రామచంద్రరావు వెళ్లనున్నారు. లైబ్రరీలో కేటీఆర్ న్యాయవాది కూర్చోని విచారణను చూసే సౌకర్యం ఉందని ప్రభుత్వ న్యాయవాది పేర్కొన్నారు. విచారణ తర్వాత అనుమానాలుంటే కోర్టును ఆశ్రయించవచ్చని తెలిపింది.
Similar News
News December 26, 2025
గొంతులు కోస్తున్న చైనా మాంజా.. జాగ్రత్త!
సంక్రాంతి సమీపిస్తుండటంతో ఆకాశంలో పతంగులు సందడి చేస్తున్నాయి. కానీ ఆ సరదా వెనుక ప్రమాదం కూడా పొంచి ఉంది. అదే చైనా మాంజా. దీనిపై నిషేధం ఉన్నా ఇప్పటికీ యథేచ్ఛగా విక్రయాలు జరుగుతున్నాయి. తాజాగా HYD శివారు కీసరలో చైనా మాంజా మెడకు తగిలి జశ్వంత్ అనే యువకుడికి తీవ్ర గాయమైంది. బైక్పై వెళ్తున్న అతడి మెడను మాంజా కోసేయడంతో ఏకంగా 19 కుట్లు పడ్డాయి. రోడ్లపై ప్రయాణించేటప్పుడు మీరూ జాగ్రత్త వహించండి.
News December 26, 2025
కోహ్లీకి POTM.. ప్రైజ్ మనీ తెలిస్తే అవాక్కే!
విజయ్ హజారే ట్రోఫీలో GJతో మ్యాచులో ఢిల్లీ 7రన్స్ తేడాతో గెలిచింది. 77రన్స్ చేసిన ఆ టీమ్ ప్లేయర్ కోహ్లీని ప్లేయర్ ఆఫ్ ది మ్యాచ్(POTM) అవార్డు వరించింది. దీంతో ఆయనకు రూ.10,000 చెక్ ఇవ్వడం గమనార్హం. ఇంటర్నేషనల్ మ్యాచుల్లో ప్రైజ్ మనీ రూ.లక్షల్లో ఉండగా ‘లిస్ట్-ఎ’ల్లో ఇలాగే ఉంటుంది. ఇక్కడ ఎంతపెద్ద ఆటగాడికైనా అంతే అమౌంట్ అని, కోహ్లీ రూ.10వేల చెక్ తీసుకోవడం ఫన్నీగా ఉందని ఫ్యాన్స్ కామెంట్స్ చేస్తున్నారు.
News December 26, 2025
శిల్పాశెట్టి అసభ్యకర వీడియోలు.. వెంటనే తొలగించాలన్న కోర్టు
AI ఉపయోగించి తయారుచేసిన నటి శిల్పాశెట్టి డీప్ఫేక్ వీడియోల URLs, లింక్స్, పోస్టులను వెంటనే డిలీట్ చేయాలని సంబంధిత సైట్లను బాంబే HC ఆదేశించింది. ఆన్లైన్లో ఉన్న తన అసభ్యకర ఫొటోలు, వీడియోలను తొలగించాలని శిల్ప వేసిన పిటిషన్ను జస్టిస్ అద్వైత్ ఎం సేథ్నా వెకేషన్ బెంచ్ విచారించింది. ప్రాథమిక గోప్యత హక్కును ప్రభావితం చేసేలా ఒక వ్యక్తి/వ్యక్తిత్వాన్ని చిత్రీకరించకూడదని మధ్యంతర ఉత్తర్వుల్లో పేర్కొంది.