News March 17, 2024
కర్నూలు: ఆరోగ్యశ్రీ పేరుతో భారీ కుంభకోణం.. కేసులు నమోదు
కర్నూలులోని శ్రీగాయత్రీ ఆసుపత్రి నిర్వాహకుడు జిలానీబాషా, జ్యోతి డయాగ్నస్టిక్ మేనేజర్ కిరణ్‌పై నాలుగో పట్టణ పోలీసుస్టేషన్‌లో శనివారం కేసునమోదైంది. వైఎస్సా‌ర్ ఆసరా పథకం కింద 2022 ఏప్రిల్ నుంచి 2024 ఫిబ్రవరి వరకు 1,470మందికి పైగా పక్షవాత రోగులకు చికిత్స చేసినట్లు తప్పుడు నివేదికలతో భారీ కుంభకోణానికి పాల్పడ్డారు.రూ.5.28 కోట్లు అవినీతికి పాల్పడినట్లు విచారణలో బయటపడటంతో ఆసుపత్రి అనుమతిని రద్దు చేశారు.
Similar News
News August 31, 2025
నందవరం: గ్రామానికి ఆదర్శంగా నిలుస్తున్న ఆ కుటుంబం
ఒక ప్రభుత్వ ఉద్యోగాన్ని సాధించడం కష్టంగా ఉన్న ఈ పోటీ ప్రపంచంలో నందవరానికి చెందిన కురవ పెద్దనాగన్న, హనుమంతమ్మ కుమారుడు K.P నాగరాజు మూడు ప్రభుత్వ ఉద్యోగాలు సాధించాడు. రైల్వే, సచివాలయం ఉద్యోగాలు సాధించి తాజాగా విడుదలైన డీఎస్సీలో (SA సోషల్) కొలువు సాధించాడు. నాగరాజు అన్న హెడ్ కానిస్టేబుల్, తమ్ముడు 2012 DSC లో SGTగా ఉద్యోగం సాధించారు. పెద్దనాగన్న కుమారులు గ్రామ యువతకు ఆదర్శంగా నిలుస్తున్నారు.
News August 31, 2025
మంత్రాలయం: పట్టు వదలని విక్రమార్కుడు.!
మంత్రాలయం మండల కేంద్రానికి చెందిన నరసింహులు పట్టు వదలని విక్రమార్కుడిలా సాధన చేసి తాజాగా ప్రభుత్వం విడుదల చేసిన డీఎస్సీలో ఉద్యోగం సంపాదించాడు. నరసింహులు ఒకవైపు ప్రైవేటుగా చేస్తూ మరో వైపు 11 సంవత్సరాలుగా సాధన చేస్తూ ఉద్యోగం సంపాదించాడు. 2014, 2018 డీఎస్సీ పరీక్ష రాయగా స్వల్ప మార్కుల తేడాతో మిస్సయ్యాడు. అయినా కూడా పట్టు వదలకుండా సాధన చేసి 48వ ర్యాంకుతో పీఈటీగా ఎంపికయ్యాడు.
News August 31, 2025
కర్నూలు: ‘ప్రజలకు మెరుగైన సేవలు అందించాలి’
కర్నూలు నగర ప్రజలకు మెరుగైన సేవలు అందించడమే నగరపాలక సంస్థ ప్రధాన లక్ష్యమని, ప్రజా సమస్యల పరిష్కారమే ధ్యేయంగా ముందడుగులు వేస్తున్నట్లు నగరపాలక సంస్థ కమిషనర్ పి.విశ్వనాథ్ అన్నారు. శుక్రవారం స్థానిక ఎస్బీఐ ఎంప్లాయిస్ కాలనీలోని నగరపాలక సమావేశ భవనంలో “ఓపెన్ ఫోరం” కార్యక్రమం నిర్వహించారు. వివిధ ప్రాంతాలకు చెందిన పలువురు పౌరులు ఎల్‌ఆర్‌యస్, నిర్మాణ అనుమతులు, అక్రమ నిర్మాణాలపై అర్జీలు సమర్పించారు.