News January 13, 2025
రేపు జైలర్-2 అనౌన్స్మెంట్ టీజర్!
రజినీకాంత్ నటించిన సూపర్ హిట్ మూవీ జైలర్ సీక్వెల్కు రంగం సిద్ధమైనట్లు తెలుస్తోంది. సంక్రాంతి సందర్భంగా రేపు సా.6 గంటలకు కొత్త సినిమా అనౌన్స్మెంట్ టీజర్ను తెలుగు, తమిళం, హిందీ భాషల్లో రిలీజ్ చేయనున్నట్లు ‘సన్ పిక్చర్స్’ ప్రకటించింది. ‘SUPER SAGA’ పేరుతో ఓ పోస్టర్ను సోషల్ మీడియాలో షేర్ చేసింది. అయితే ఆ అనౌన్స్మెంట్ జైలర్-2 గురించే అని సూపర్స్టార్ ఫ్యాన్స్ కామెంట్ చేస్తున్నారు.
Similar News
News January 19, 2026
అదును తప్పిన పైరు.. ముదిమిలో బిడ్డలు ఒక్కటే
ఏ పంటకైనా అదును(అనుకూల సమయం) ముఖ్యం. సరైన సమయానికి విత్తనం వేయకపోతే పంట సరిగా రాదు, దాని వల్ల ప్రయోజనం ఉండదు. అలాగే ముసలి వయసులో పిల్లలు పుడితే, వారు తల్లిదండ్రులకు అండగా నిలబడలేరు లేదా వారికి సేవ చేయలేరు. ఈ రెండూ సమయానికి చేయని పనులు లేదా నిష్ప్రయోజనమైన పరిస్థితులను తెలియజేస్తాయి.
News January 19, 2026
లక్కీడిప్ కాకుండా మొదటి గడప దర్శనం చేసుకోవచ్చా?
శ్రీవాణి ట్రస్ట్కు పది వేల రూపాయల విరాళం + ఐదు వందల రూపాయల టికెట్ కొనుగోలు చేసే భక్తులకు ‘బ్రేక్ దర్శనం’ లభిస్తుంది. దీని ద్వారా స్వామివారిని అతి చేరువగా దర్శించుకోవచ్చు. అలాగే ప్రోటోకాల్ పరిధిలోకి వచ్చే విఐపిలకు, వారి సిఫార్సు లేఖలు ఉన్నవారికి కూడా ఈ భాగ్యం కలుగుతుంది. సామాన్య భక్తులకు మాత్రం లక్కీ డిప్ ద్వారా లభించే ఆర్జిత సేవలే మొదటి గడప దర్శనానికి ఉన్న అత్యుత్తమ, సరళమైన మార్గం.
News January 19, 2026
బంగ్లాదేశ్కు షాకిచ్చిన ఐర్లాండ్
పంతానికి పోయి బంగ్లాదేశ్ చిక్కుల్లో పడినట్లు కనిపిస్తోంది. ముస్తాఫిజుర్ను IPL నుంచి తప్పించారని భారత్లో WC మ్యాచులు ఆడమని పట్టుబట్టింది. తమ మ్యాచులను శ్రీలంకకు మార్చాలని డిమాండ్ చేస్తోంది. దీనిపై ICC ఎలాంటి నిర్ణయం తీసుకోలేదు. ఈ నేపథ్యంలోనే తమను ఐర్లాండ్తో గ్రూప్స్ స్వాప్ చేయాలని కోరింది. దానిని ఐర్లాండ్ క్రికెట్ బోర్డు తిరస్కరించింది. తమ షెడ్యూల్ ప్రకారమే మ్యాచులు ఆడతామని స్పష్టం చేసింది.