News January 18, 2025
పవన్ కళ్యాణ్ అభిమానులకు మళ్లీ నిరాశే?
హీరో నితిన్, వెంకీ కుడుముల కాంబోలో తెరకెక్కుతోన్న ‘రాబిన్ హుడ్’ మార్చి 28న విడుదల కానున్నట్లు మేకర్స్ ప్రకటించారు. దీంతో పవర్ స్టార్ పవన్ కళ్యాణ్ అభిమానులు షాక్ అవుతున్నారు. ఆయన నటిస్తోన్న ‘హరిహర వీరమల్లు’ సైతం అదేరోజున విడుదలకానుంది. నితిన్ మూవీ అప్డేట్‌తో HHVM వాయిదా పడుతుందనే వార్తలొస్తున్నాయి. అదే జరిగితే రాబిన్ హుడ్‌తో పాటు VD12, మ్యాడ్ స్క్వేర్ కూడా ఇదే తేదీలో విడుదలయ్యే ఛాన్స్ ఉంది.
Similar News
News January 19, 2025
కరుణ్‌కు నో ఛాన్స్.. భజ్జీ విస్మయం
కరుణ్ నాయర్‌ను CTకి ఎంపిక చేయకపోవడంపై మాజీ క్రికెటర్ హర్భజన్ సింగ్ విస్మయం వ్యక్తం చేశారు. ఫామ్, పర్ఫార్మెన్స్ ఆధారంగా మీ ఎంపిక లేనప్పుడు దేశవాళీ క్రికెట్ ఆడటంలో అర్థమేముంది? అని ట్వీట్ చేశారు. దీంతో రాణించే ప్లేయర్లను కాకుండా ఫెయిల్యూర్ బ్యాటర్లనే జట్టులోకి తీసుకుంటారని కొందరు భజ్జీకి మద్దతుగా కామెంట్ చేస్తున్నారు. ఎవరి ప్లేస్‌లో కరుణ్‌ను తీసుకోవాలో చెప్పాలని మరికొందరు ఎదురు ప్రశ్నిస్తున్నారు.
News January 19, 2025
పవన్, లోకేశ్‌తో బండి సంజయ్ చిట్‌చాట్
AP: కేంద్రమంత్రి అమిత్ షా రాష్ట్ర పర్యటన సందర్భంగా మరో మంత్రి బండి సంజయ్ కూడా ఆయన వెంట వచ్చారు. ఉండవల్లిలోని సీఎం చంద్రబాబు నివాసం వద్ద పవన్ కళ్యాణ్, నారా లోకేశ్‌తో సంజయ్ కాసేపు ముచ్చటించారు. ఇందుకు సంబంధించి ఫొటోలను ఆయన తన ట్విటర్‌లో పోస్ట్ చేశారు.
News January 19, 2025
వైసీపీలో నియామకాలు.. చోడవరానికి అమర్నాథ్, భీమిలికి శ్రీను
AP: పలు నియోజకవర్గాలకు వైసీపీ నూతన సమన్వయకర్తలను నియమించింది. చోడవరానికి గుడివాడ అమర్నాథ్, మాడుగులకు బూడి ముత్యాలనాయుడు, భీమిలికి మజ్జి శ్రీనివాసరావు(చిన్న శ్రీను), గాజువాకకు తిప్పల దేవన్ రెడ్డి, పి.గన్నవరానికి గన్నవరపు శ్రీనివాసరావును నియమించింది. అలాగే అనకాపల్లి పార్లమెంట్ పరిశీలకులుగా కరణం ధర్మశ్రీని, పార్టీ రాష్ట్ర అధికార ప్రతినిధిగా వరికూటి అశోక్‌బాబుకు బాధ్యతలు అప్పగించింది.