News January 21, 2025
నేడు KRMB కీలక సమావేశం
కృష్ణా నది యాజమాన్య బోర్డు(KRMB) నేడు హైదరాబాద్ జలసౌధలో కీలక సమావేశం కానుంది. ఇప్పటికే 2సార్లు వాయిదా పడిన ఈ భేటీ ఉ.11గంటలకు జరగనుంది. నాగార్జున సాగర్ భద్రతకు సంబంధించిన నిఘా, తనిఖీలు, పర్యవేక్షణ తమ పరిధిలోనే ఉండాలని తెలంగాణ డిమాండ్ చేస్తోంది. అటు సాగర్, శ్రీశైలంలోని కాంపొనెంట్లను కృష్ణా‌బోర్డుకు అప్పగించాలని, ప్రాజెక్టుల రక్షణ CRPFకు ఇవ్వాలని AP కోరుతోంది. ఈ అంశాలే అజెండాగా భేటీ జరగనుంది.
Similar News
News January 21, 2025
పోలీసులకు కీలక ఆధారాలు.. 2PM తర్వాత సైఫ్ డిశ్చార్జి
క్రైమ్‌సీన్ రీక్రియేషన్‌తో యాక్టర్ సైఫ్ అలీఖాన్‌పై దాడికేసులో పోలీసులకు కీలక ఆధారాలు దొరికాయి. నిందితుడు మహ్మద్ షరీఫుల్ ఫింగర్‌ప్రింట్స్‌ను వారు సేకరించారు. అతడు బాత్‌రూమ్ కిటీకి గుండా ఇంటిలోకి చొరబడినట్టు గుర్తించారు. కాగా మధ్యాహ్నం 2PM తర్వాత లీలావతీ ఆస్పత్రి నుంచి సైఫ్ డిశ్చార్జ్ అవుతారని తెలిసింది. దాడి జరిగిన బాంద్రా ఇంటికి కాకుండా ఫార్చూన్ హైట్స్ గృహానికి వెళ్తారని సమాచారం.
News January 21, 2025
ఇండియన్ జెర్సీపై పాకిస్థాన్ పేరు ఉంటుందా?
ICC టోర్నీల సమయంలో హోస్ట్ నేషన్ పేరు మిగతా దేశాల జెర్సీలపై ఉంటుంది. కానీ ఈసారి ఛాంపియన్స్ ట్రోఫీ నిర్వహిస్తున్న పాకిస్థాన్ పేరును తమ జెర్సీపై ఉంచేందుకు భారత్ నిరాకరించినట్లు PCB తెలిపింది. ఈ విషయంలో ICC పాక్‌కు మద్దతు ఇవ్వాలని, జెర్సీపై పేరు పెట్టకపోవడాన్ని సమర్థించవద్దని PCB ప్రతినిధులు కోరారు. అలాగే టోర్నీ ప్రారంభ వేడుకకూ కెప్టెన్ రోహిత్‌ను తమ దేశానికి పంపాలని BCCI అనుకోవడం లేదని చెప్పారు.
News January 21, 2025
POSTER: కొత్త లుక్‌లో రష్మిక
ఛావా మరాఠా రాజు ఛత్రపతి శంభాజీ మహారాజ్ జీవితం ఆధారంగా తెరకెక్కుతోన్న ‘ఛావా’ సినిమా ట్రైలర్ రేపు విడుదల కానుంది. ఇందులో శంభాజీ మహారాజ్‌గా విక్కీ కౌశల్, ఆయన భార్యగా రష్మిక నటిస్తున్నారు. తాజాగా రష్మిక లుక్‌ను మూవీ టీమ్ విడుదల చేసింది. మహారాణిలా ఉన్న రష్మిక లుక్ ఆకట్టుకుంటోంది. లక్ష్మణ్ ఉటేకర్ డైరెక్ట్ చేస్తున్న ఈ మూవీ ఫిబ్రవరి 14న థియేటర్లలోకి రానుంది.