News January 23, 2025
IT దాడులు.. డాక్యుమెంట్లు స్వాధీనం
హైదరాబాద్‌లో 3వ రోజు సినీ ప్రముఖుల ఇళ్లల్లో <<15230852>>దాడులు <<>>చేస్తున్న IT అధికారులు పలు డాక్యుమెంట్లను స్వాధీనం చేసుకున్నారు. నిర్మాత దిల్ రాజు, మైత్రీ మూవీ మేకర్స్, మ్యాంగో మీడియా ఆఫీసుల్లో ఆదాయం, పన్ను చెల్లింపు మధ్య తేడాలు ఉన్నట్లు గుర్తించారు. ఆ సంస్థల వ్యాపార లావాదేవీల పత్రాలను స్వాధీనం చేసుకున్నారు. బ్యాంక్ లాకర్లను సైతం చెక్ చేశారు. ప్రాథమిక ఆధారాలతో కేసు నమోదయ్యాకే సోదాలు జరుపుతున్నట్లు సమాచారం.
Similar News
News January 23, 2025
చైనా ప్లస్ వన్ పాలసీ అంటే ఇదే..
తాము చైనా ప్లస్ వన్‌తో పోటీపడుతున్నామని TG సీఎం రేవంత్ దావోస్ పర్యటనలో చెప్పారు. అంటే ఒక దేశానికి చెందిన కంపెనీ చైనాలోనే కాకుండా భారత్, ఇండోనేషియా, మలేషియా లాంటి ఆసియా దేశాల్లోనూ వ్యాపారాన్ని విస్తరించడం. ఒకప్పుడు చైనాలో తక్కువ ధరకే లేబర్లు దొరికేవారు. మ్యానుఫ్యాక్చరింగ్ కాస్ట్ తక్కువగా ఉండేది. కానీ ఇప్పుడు చైనా కంటే తక్కువ ధరకు సౌత్ ఈస్ట్ దేశాల్లో లేబర్ దొరుకుతుండటంతో ఈ పాలసీ ఫేమస్ అవుతోంది.
News January 23, 2025
భిక్షమేసిన వ్యక్తిపై కేసు నమోదు
MP ఇండోర్‌లో ఓ గుడి ముందు యాచకురాలికి భిక్షమేసిన వ్యక్తిపై పోలీసులు కేసు నమోదు చేశారు. ఒకవేళ నేరం రుజువైతే కోర్టు అతడికి జైలు శిక్ష కానీ రూ.5 వేల ఫైన్ కానీ విధించనుంది. ఇండోర్‌ను బెగ్గింగ్ ఫ్రీ సిటీగా మార్చేందుకు కేంద్రం నిర్ణయించింది. ఇందులో భాగంగా భిక్షాటనను నగరంలో బ్యాన్ చేశారు. కొందరు యాచకులకు ఇళ్లు ఉన్నా, తమ పిల్లలు ఉద్యోగాలు చేస్తున్నా భిక్షమెత్తుకుంటున్నట్లు పోలీసులు గుర్తించడం విశేషం.
News January 23, 2025
‘గాంధీ తాత చెట్టు’ మూవీపై మహేశ్ బాబు ప్రశంసలు
దర్శకుడు సుకుమార్ కూతురు సుకృతివేణి నటించిన ‘గాంధీ తాత చెట్టు’పై సూపర్ స్టార్ మహేశ్ ప్రశంసల వర్షం కురిపించారు. ఈ సినిమా మీతో పాటు ఉండిపోతుందని చెప్పారు. అహింస గురించి పదునైన కథను దర్శకురాలు పద్మ మల్లాది అద్భుతంగా తెరకెక్కించారని కొనియాడారు. చిన్నారి నేస్తం సుకృతి శక్తిమంతమైన ప్రదర్శనతో తనను గర్వపడేలా చేసిందని పేర్కొన్నారు. ఈ కళాఖండాన్ని చూసి తీరాలని Xలో రాసుకొచ్చారు.