News January 24, 2025
అంతర్గాం: చైన్ స్నాచింగ్ కేసులో ఇద్దరిని అరెస్టు చేసిన పోలీసులు
అంతర్గాం మండలం ముర్ముర్ గ్రామంలో నిన్న పెసరి సత్తమ్మ కిరాణ షాపు వద్ద ఉండగా గుర్తు తెలియని ఇద్దరు వ్యక్తులు బైక్‌పై వచ్చి మెడలో ఉన్న 3 తులాల గోల్డ్ చైన్ లాక్కెళ్లారు. ఈ ఘటనపై కేసు నమోదు చేసుకున్న SI వెంకటస్వామి ప్రత్యేక పోలీసు బృందాన్ని ఏర్పాటు చేశారు. సీసీ కెమెరాల ఆధారంగా ఈరోజు ఇద్దరు నిందితులను ఎల్లంపల్లి డ్యాం వద్ద అదుపులోకి తీసుకొని అరెస్టు చేశారు.
Similar News
News January 24, 2025
‘అఖండ-2’లో హీరోయిన్‌గా సంయుక్తా మేనన్
నటసింహం నందమూరి బాలకృష్ణ హీరోగా బోయపాటి శ్రీను తెరకెక్కిస్తోన్న ‘అఖండ-2’ సినిమాలో సంయుక్తా మేనన్‌ను చేర్చుకున్నట్లు మేకర్స్ ప్రకటించారు. షూటింగ్ శరవేగంగా సాగుతోందని, సెప్టెంబర్ 25న ప్రపంచవ్యాప్తంగా విడుదల అవుతుందని తెలిపారు. అయితే, అఖండ చిత్రంలో నటించిన ప్రగ్యా జైస్వాల్‌ను తప్పించి సంయుక్తా మేనన్‌ను తీసుకున్నట్లు తెలుస్తోంది. కాగా, ఇప్పటికే బోయపాటి ‘మహాకుంభమేళా’లో షూటింగ్ కూడా పూర్తి చేశారు.
News January 24, 2025
స్మార్ట్ సిటీ ద్వారా KNR అభివృద్ధి అయ్యిందంటే.. అది బండి సంజయ్ వల్లే: మేయర్
స్మార్ట్ సిటీ పై కరీంనగర్ మేయర్ యాదగిరి సునీల్ రావు(బీఆర్ఎస్) సంచలన వ్యాఖ్యలు చేశారు. బండి సంజయ్ వల్లే కరీంనగర్‌కు రూ.428 కోట్ల స్మార్ట్ సిటీ నిధులు మంజూరయ్యాయని అన్నారు. 2017లోనే కరీంనగర్ ను ‘స్మార్ట్ సిటీ’గా ఎంపిక చేసినా నిధులు రాలేదు అని తెలిపారు. స్మార్ట్ సిటీ ద్వారా కరీంనగర్ అభివృద్ధి అయ్యిందంటే అది బండి సంజయ్ వల్లే అని అన్నారు.
News January 24, 2025
ఫిబ్రవరి 28: ఆకాశంలో అద్భుతం
JAN, FEBలో శుక్రుడు, అంగారకుడు, బృహస్పతి, శని, యురేనస్, నెఫ్ట్యూన్‌ ఒకే వరుసలో కనిపిస్తుంటాయి. FEB 28న రాత్రి వాటితోపాటు బుధుడు కూడా వచ్చి చేరుతాడు. దీంతో 7 గ్రహాలు ఒకే సరళ రేఖపైకి వస్తాయి. యురేనస్, నెఫ్ట్యూన్‌లను బైనాక్యులర్స్/టెలిస్కోప్‌తో, మిగతా వాటిని సాధారణంగా కంటితో చూడొచ్చు. గ్రహాలు ఇలా ఒకే వరుసలో రావడం భూమిపై ప్రభావం చూపుతుందని కొందరు సైంటిస్టులు అంటుండగా మరికొందరు కొట్టిపారేస్తున్నారు.