News January 26, 2025
NZB: జాతీయ క్రీడలకు డీసీడీఎంగా జిల్లా వాసి
ఈ నెల 28 నుంచి ఫిబ్రవరి 14 వరకు ఉత్తరాఖాండ్‌లో జరగనున్న నేషనల్ గేమ్స్‌కు జిల్లా ఒలింపిక్ సంఘం అధ్యక్షుడు, రాష్ట్ర ఒలింపిక్ అసోసియేషన్ ఉపాధ్యక్షుడు ఈగ సంజీవ్ రెడ్డి డిప్యూటీ చీఫ్ డి మిషన్‌గా నియమితులయ్యారు. తెలంగాణ నుంచి ఇద్దరిని డిప్యూటీ చీఫ్ డి మిషన్‌గా నియమించగా జిల్లాకు చెందిన ఈగ సంజీవ్ రెడ్డి నియమితులవడం విశేషం. సంజీవరెడ్డి నియామకంపై జిల్లా క్రీడాసంఘాల ప్రతినిధులు హర్షం వ్యక్తం చేశారు.
Similar News
News January 30, 2025
టీయూ విద్యార్థులకు ALERT
తెలంగాణ విశ్వవిద్యాలయ పరిధిలోని బీఎడ్ సెంకడీయర్ మూడో సెమిస్టర్ (రెగ్యులర్) పరీక్ష ఫీజ్ తేదీలను యూనివర్సిటీ వెల్లడించింది. ఫిబ్రవరి 8 వరకు చెల్లించవచ్చని పేర్కొంది. రూ.100 అపరాధ రుసుముతో ఫిబ్రవరి 10 వరకు చెల్లించే అవకాశం ఉందని పరీక్షల నియంత్రణ అధికారిణి ఆచార్య ఎం.అరుణ ఒక ప్రకటనలు తెలిపారు. పూర్తి వివరాలను తెలంగాణ వర్సిటీ వెబ్‌సైట్‌ లో పొందుపరిచినట్లు వెల్లడించారు.
News January 30, 2025
స్వాతంత్ర్య త్యాగధనులను స్మరించుకున్న జిల్లా యంత్రాంగం
స్వాతంత్య్రం కోసం ప్రాణాలర్పించిన త్యాగధనులను స్మరించుకుంటూ జిల్లా యంత్రాంగం నివాళులర్పించారు. జాతిపిత మహాత్మాగాంధీ వర్ధంతి సందర్భంగా సమీకృత జిల్లా కార్యాలయంలో గురువారం కలెక్టర్ రాజీవ్ గాంధీ హనుమంతు నేతృత్వంలో సంస్మరణ దినోత్సవం నిర్వహించారు. అన్ని శాఖల అధికారులు, ఉద్యోగులు పాల్గొని స్వాతంత్రోద్యమ అమరులకు శ్రద్ధాంజలి ఘటించారు. అమరుల ఆశయాలను ముందుకు తీసుకెళ్తాననే సంకల్పం చాటాలని కలెక్టర్ అన్నారు.
News January 30, 2025
NZB: ప్రేమ వివాహం.. వివాహిత సూసైడ్ అటెంప్ట్
ఎలుకల మందు తాగి ఓ వివాహిత ఆత్మహత్యాయత్నం చేసిన ఘటన నిజామాబాద్ నగరంలో జరిగింది. మిర్చి కాంపౌండ్‌కు చెందిన శివాని (24) రెండు సంవత్సరాల క్రింద రామాయంపేటకి చెందిన ప్రమోద్‌గౌడును ప్రేమించి వివాహం చేసుకుంది. గత కొన్ని రోజులుగా భర్త వేధింపులతో మానసిక క్షోభకు గురై జీవితంపై విరక్తి చెంది బుధవారం రాత్రి ఇంట్లో ఎవరూ లేని సమయంలో ఆత్మహత్యకు పాల్పడింది. కుటుంబ సభ్యులు గమనించి చికిత్స కోసం ఆసుపత్రికి తరలించారు.