News January 28, 2025
పులివెందుల: అన్నను హత్య చేసిన తమ్ముడు అరెస్టు
అన్నను తమ్ముడు హత్య చేసిన ఘటన కేసులో తమ్ముడిని సోమవారం పోలీసులు అరెస్టు చేశారు. వారి వివరాల మేరకు.. 2024 సెప్టెంబర్ 13న పులివెందుల(M) రాయలాపురం గ్రామానికి చెందిన మతిస్తిమితం లేని బాబయ్య, తమ్ముడు బాబా ఫక్రుద్దీన్‌తో గొడవపడి కోపంలో సమ్మెటతో బలంగా కొట్టి చంపాడు. మృతుడి కుటుంబ సభ్యుల ఫిర్యాదు మేరకు అదే రోజు కేసు నమోదు చేశారు. విచారణ నిమిత్తం సోమవారం అరెస్టు చేయగా కోర్టు రిమాండ్ విధించింది.
Similar News
News January 30, 2025
వేముల: నేత్రదానంతో ఇద్దరు అంధులకు చూపు
నేత్రదానం చేయడం వల్ల ఇద్దరు అంధులకు చూపును ప్రసాదించవచ్చునని నేత్ర సేకరణ కేంద్ర అధ్యక్షుడు రాజు పేర్కొన్నారు. గురువారం వేముల మండలం కొత్తపల్లికి చెందిన చందా మల్లమ్మ అనే వృద్ధురాలు అనారోగ్యంతో మృతి చెందింది. మృతురాలి కుటుంబ సభ్యులు నేత్రదానానికి అంగీకరించడంతో రాజు మృతురాలి ఇంటికి వెళ్లి కార్నియాలను సేకరించి హైదరాబాదులోని డాక్టర్ అగర్వాల్ నేత్రనిధికి పంపించారు.
News January 30, 2025
గాంధీకి తాళ్ల ప్రొద్దుటూరుతో అనుబంధం
జాతిపిత మహాత్మా గాంధీకి కొండాపురం మండలంలోని పలు గ్రామాలతో అనుబంధం ఉంది. అనంతపురం జిల్లా తాడిపత్రి నుంచి పాదయాత్ర చేసిన ఆయన.. బొందలదిన్నె, పాత సుగుమంచిపల్లి, పాత తాళ్లప్రొద్దుటూరు, పాత చౌటుపల్లి, మంగపట్నం మీదుగా కడపకు వెళ్లారని అప్పటితరం మనుషులు చెబుతుంటారు. పాత కొండాపురానికి చెందిన నబీ రసూల్ అనే వ్యక్తి గాంధీతో కలిసి ఉద్యమాల్లో పాల్గొన్నారు.
News January 30, 2025
FLASH: రాచమల్లు తల్లి మృతి
ప్రొద్దుటూరు మాజీ ఎమ్మెల్యే రాచమల్లు శివప్రసాద్ రెడ్డి ఇంట విషాదం నెలకొంది. ఆయన తల్లి రాచమల్లు ముని రత్నమ్మ(82) కన్నుమూశారు. హైదరాబాద్‌లో పెద్ద కుమారుడు కిరణ్ రెడ్డి ఇంట్లో ఉండగా గురువారం ఉదయం ఆమె అస్వస్థతకు గురయ్యారు. ఈక్రమంలో ఆసుపత్రికి తీసుకెళ్తుండగా మార్గమధ్యలో చనిపోయారు. హైదరాబాద్ నుంచి ప్రొద్దుటూరుకు ఆమె భౌతికకాయాన్ని తీసుకురానున్నారు.