News January 28, 2025

విజయవాడ మీదుగా నడిచే రెండు రైళ్లు రద్దు

నాన్ ఇంటర్ లాకింగ్ పనులు జరుగుతున్నందున విజయవాడ మీదుగా నడిచే 2 సూపర్ ఫాస్ట్ ఎక్స్‌ప్రెస్ రైళ్లను రద్దు చేసినట్లు రైల్వే అధికారులు తెలిపారు. నం.22648 కోచువెల్లి- కోర్బా ఎక్స్‌ప్రెస్‌ను ఫిబ్రవరి 3, 6, 10న, నం.22647 కోర్బా- కోచువెల్లి ఎక్స్‌ప్రెస్‌ను ఫిబ్రవరి 5, 8, 12న రద్దు చేసినట్లు వివరించారు. ప్రయాణికులు గమనించాలని రైల్వే అధికారులు మంగళవారం ఒక ప్రకటన విడుదల చేశారు.