News January 29, 2025
రోడ్డు మరమ్మతులకు నిధులు విడుదల
గుంతలమయమైన రహదారుల మరమ్మతులకు ప్రభుత్వం నిధులు కేటాయించింది. అందులో నియోజకవర్గాల వారీగా.. ఖమ్మం అసెంబ్లీ నియోజకవర్గానికి రూ.15.38 కోట్లు విడుదల చేశారు. అలాగే మధిర నియోజకవర్గంలో 10.90 కి.మీ.కు రూ.16.48కోట్లు, పాలేరు నియోజకవర్గంలో 29.04 కి.మీ.మేర రోడ్ల మరమ్మతుకు రూ.15.17కోట్లు, వైరా నియోజకవర్గంలో 29 కి.మీ.మేర మరమ్మతులకు రూ.13.67కోట్లు, సత్తుపల్లి నియోజకవర్గంలో 12పనులకు రూ.14.87 కోట్లు విడుదలయ్యాయి.
Similar News
News January 30, 2025
KMM: అన్నం తింటూ గుండెపోటుతో వ్యక్తి మృతి
గుండెపోటుతో ఓ వ్యక్తి మృతి చెందిన ఘటన మధిర మండలంలో గురువారం మధ్యాహ్నం చోటు చేసుకుంది. స్థానికులు తెలిపిన వివరాల ప్రకారం.. మధిర మండల కేంద్రంలోని బంజారా కాలనీకి చెందిన పుచ్చకాయల గోపిరాజు ఈరోజు మధ్యాహ్నం కుటుంబ సభ్యులతో కలిసి భోజనం చేస్తుండగా ఒక్కసారిగా ఛాతీలో నొప్పి ఉందంటూ కుప్పకూలిపోయి మృతి చెందినట్లు చెప్పారు. మృతుడికి భార్య, ఇద్దరు కుమార్తెలు ఉన్నారు.
News January 30, 2025
KMM: అర్చకులకు గుడ్ న్యూస్… నిధులు విడుదల
ఖమ్మం జిల్లాలోని వెనుకబడిన ఆలయాల నిర్వహణకు రూపొందించిన ధూప దీప నైవేద్యాలు (డీడీఎన్) పథకం నిధులు విడుదలయ్యాయి. 2024 నవంబర్, డిసెంబర్ నెలల్లో పెండింగ్ బకాయిలను అర్చకుల ఖాతాల్లో దేవాదాయ శాఖ అధికారులు జమ చేశారు. ఖమ్మం జిల్లా లోని 330 దేవాలయాల్లో పనిచేస్తున్న అర్చకులకు ఒక్కొక్కరికి రూ.20 వేల చొప్పున వారి ఖాతాల్లో జమయ్యాయి.
News January 30, 2025
ఖమ్మం: ఆందోళన కలిగిస్తున్న క్షయ కేసులు
ఖమ్మం జిల్లాలో క్షయ వ్యాధి తీవ్రత ఆందోళన కలిగిస్తోంది. జిల్లా వ్యాప్తంగా గతేడాది 2,314 మందికి వ్యాధి సోకినట్లు వైద్యశాఖ గుర్తించింది. గత నవంబర్ వరకు 25,847 మందికి పరీక్షలు చేయగా ఈ మేరకు కేసులు వెలుగుచూశాయి. ఎక్కువగా ఖమ్మం, సత్తుపల్లి, మధిర, వైరాలో కేసులు నమోదయ్యాయి. ప్రజల్లో అవగాహన కల్పిస్తున్నా ఆశించిన స్థాయిలో కేసులు తగ్గుముఖం పట్టడం లేదని జిల్లా టీబీ కంట్రోల్ అధికారులు అంటున్నారు.