News January 29, 2025
పెంచికల్ పేట్ అటవీ రేంజ్‌లో బర్డ్ వాక్ ఫెస్టివల్
ఒకవైపు ప్రాణహిత మరోవైపు పెద్దవాగు అందాల నడుమ పాలరపు గుట్టపై నెలవైన పొడవు ముక్కు రాబందుల స్థావరం బర్డ్ వాక్ ఫెస్టివల్‌లో ప్రత్యేక ఆకర్షణగా నిలవనుంది. ఎల్లూరు బొక్కివాగు ప్రాజెక్టు, కొండెంగల లొద్ది, బోల్ మెత్తం, రాగి చెట్టు మడుగు ప్రాంతాల్లో రకరకాల పక్షుల అందాలను తిలకించేందుకు ఆస్కారం ఉంది. ఇది వరకు నిర్వహించిన 3 విడతల్లో దాదాపు నాలుగు వందల రకాల పక్షులను గుర్తించినట్లు అధికారులు తెలిపారు.
Similar News
News November 10, 2025
NLG: ఈ సంతకు 75 ఏళ్ల హిస్టరీ
రాష్ట్రంలోనే పేరెన్నిక గల కట్టంగూరు పశువుల సంత 75 ఏళ్లు పూర్తి చేసుకొని సరికొత్త రికార్డు సృష్టించింది. 1950లో ఏర్పడిన ఈ సంత 75 ఏళ్లు దాటినా ఏమాత్రం ఆదరణ తగ్గడం లేదు. ప్రతి శనివారం ఇక్కడ వేలాది పశువులు, గొర్రెలు, మేకల క్రయవిక్రయాలు జరుగుతుంటాయి. ఉమ్మడి నల్గొండ జిల్లా నలుమూలల నుంచి దాదాపు 100కు పైగా గ్రామాల నుంచి రైతులు పశువులు, గొర్రెలు, మేకలు విక్రయాల కోసం ఇక్కడికి వస్తుంటారు.
News November 10, 2025
అందెశ్రీ మృతి పట్ల మంత్రి పొన్నం ప్రభాకర్ సంతాపం
ప్రముఖ కవి, రచయిత అందెశ్రీ మృతి పట్ల మంత్రి పొన్నం ప్రభాకర్ తీవ్ర దిగ్భ్రాంతి వ్యక్తం చేశారు. తెలంగాణ ఉద్యమంలో ఆయన రచించిన ‘జయ జయ హే తెలంగాణ’ గీతం ప్రజల్లో స్ఫూర్తి నింపిందని గుర్తుచేశారు. ఆయన మరణం తెలంగాణ సమాజానికి తీరని లోటు అని పేర్కొన్నారు. మంత్రి అందెశ్రీ కుటుంబ సభ్యులకు సానుభూతి తెలిపి, ఆయన ఆత్మకు శాంతి కలగాలని ప్రార్థించారు.
News November 10, 2025
నల్గొండ: రూ.549కే రూ.10 లక్షల బీమా
నల్గొండ డివిజన్ ఇండియా పోస్ట్ పేమెంట్స్ బ్యాంక్ ద్వారా 18 నుంచి 65 సం.ల వారికి అత్యంత తక్కువ ప్రీమియంతో గ్రూప్ ప్రమాద బీమా పాలసీలను అందుబాటులోకి తెచ్చింది. ప్రమాదంలో మరణం లేదా శాశ్వత వైకల్యం సభవింస్తే కేవలం రూ.549 వార్షిక ప్రీమియంతో రూ.10 లక్షల వరకు కవరేజ్ పొందే విధంగా ప్లాన్ తెచ్చింది. ఈ అవకాశం IPPB ఖాతాదారులకు మాత్రమేనని, వివరాల కోసం పోస్టాఫీసును సంప్రదించాలని అధికారులు కోరారు.