News January 30, 2025
చండీగఢ్ మేయర్ ఎన్నికల్లో బీజేపీ విజయం
కేంద్ర పాలిత ప్రాంతం చండీగఢ్ మేయర్ ఎన్నికల్లో ఆప్‌నకు షాక్ తగిలింది. ఆప్ అభ్యర్థి ప్రేమ్ లతపై బీజేపీ అభ్యర్థి హర్‌ప్రీత్ కౌర్ బబ్లా గెలిచారు. కాషాయ పార్టీకి 19 ఓట్లు రాగా, ఆప్‌కి 17 ఓట్లు వచ్చాయి. దీంతో ఎన్నికల అధికారులు బబ్లాను మేయర్‌గా ప్రకటించారు. ఈ ఎన్నికలు హైకోర్టు మాజీ న్యాయమూర్తి జైశ్రీ ఠాకూర్ పర్యవేక్షణలో జరిగాయి. కాగా క్రాస్ ఓటింగ్ జరిగినట్లు సమాచారం.
Similar News
News September 15, 2025
సూపర్-4కు దూసుకెళ్లిన టీమిండియా
ఆసియా కప్‌లో టీమిండియా సూపర్-4కు దూసుకెళ్లింది. తాజాగా ఒమన్‌తో జరిగిన మ్యాచ్‌లో UAE ఘన విజయం సాధించడంతో భారత్‌‌కు లైన్ క్లియర్ అయింది. టీమిండియా ఇప్పటికే UAE, పాక్‌పై విజయం సాధించిన విషయం తెలిసిందే. మెరుగైన నెట్ రన్‌రేట్(4.793) కారణంగా మరో మ్యాచ్ మిగిలి ఉండగానే సూపర్-4కు అర్హత సాధించింది. రెండో బెర్త్ కోసం పాక్, UAE పోటీ పడనున్నాయి.
News September 15, 2025
BREAKING: కాలేజీలతో చర్చలు సఫలం
TG: కాలేజీల యాజమాన్యాలతో రాష్ట్ర ప్రభుత్వం జరిపిన చర్చలు సఫలమయ్యాయి. దీంతో రేపటి నుంచి కాలేజీలు యథావిధిగా నడవనున్నాయి. ప్రస్తుతం రూ.600కోట్ల బకాయిలు చెల్లించేందుకు ప్రభుత్వం అంగీకరించింది. దీపావళికి మరో రూ.600కోట్లు రిలీజ్ చేస్తామని హామీ ఇచ్చింది. దీంతో ప్రైవేట్ కాలేజీల యాజమాన్యాలు బంద్‌ను విరమించుకున్నాయి.
News September 15, 2025
ప్రియుడితో కలిసి భర్త చెవులు కోసేసిన భార్య
TG: ప్రియుడితో కలిసి ఓ మహిళ భర్త చెవులు కోసేసిన ఘటన మహబూబాబాద్(D)లో జరిగింది. మహబూబాబాద్ మండలం గడ్డిగూడెం తండాకు చెందిన మహిళకు గంగారం(M) మర్రిగూడేనికి చెందిన అనిల్‌తో వివాహేతర సంబంధం ఉంది. ప్రియుడితో కలిసి భర్తను చంపేందుకు ప్లాన్ చేసింది. ఈ క్రమంలో ఇద్దరూ కలిసి అతడి చెవులు కోసేయగా ప్రాణ భయంతో కేకలు వేస్తూ పరుగులు తీశాడు. అనంతరం పారిపోయేందుకు యత్నించిన ప్రియుడిని స్థానికులు పట్టుకొని చితకబాదారు.