News March 18, 2024
నిన్నటి ‘ప్రజాగళం’ పూర్తిగా విఫలం: సజ్జల
AP: పదేళ్ల తర్వాత కొత్త నాటకానికి తెరలేపారని టీడీపీ-జనసేన-బీజేపీ కూటమిపై ప్రభుత్వ సలహాదారు సజ్జల రామకృష్ణారెడ్డి విమర్శలు చేశారు. ‘ఎన్నికలు వచ్చినప్పుడు పొత్తులు పెట్టుకోవడం.. హామీలు ఇవ్వడం వీరికి అలవాటుగా మారింది. వాటిని నెరవేర్చకుండా తిరిగి ఏ ముఖం పెట్టుకుని కలిశారు? అధికారంలోకి రావాలనే ఆత్రుత చంద్రబాబుకు ఎక్కువైంది. నిన్నటి ‘ప్రజాగళం’ సభ పూర్తిగా విఫలమైంది’ అని అన్నారు.
Similar News
News March 1, 2026
హీరో విజయ్కు మరో షాక్..
తమిళ స్టార్ హీరో విజయ్కు వ్యక్తిగత జీవితంలో వరుస షాక్లు తగులుతున్నాయి. తన భార్య సంగీత విడాకులు కోరుతూ కోర్టుకెక్కిన వేళ కుమారుడు జేసన్ సంజయ్ తన తండ్రిని ఇన్స్టాగ్రామ్లో అన్ఫాలో చేయడం చర్చనీయాంశంగా మారింది. దీంతో ఓ నటితో విజయ్కు అఫైర్ ఉందని తన తల్లి చేసిన ఆరోపణల్లో వాస్తవాలున్నాయని, అందుకే అన్ఫాలో చేశారని పలువురు అభిప్రాయపడుతున్నారు. కాగా భార్య చేసిన ఆరోపణలపై విజయ్ ఇప్పటివరకూ స్పందించలేదు.
News March 1, 2026
ఇవాళ్టి నుంచి దివ్యాంగులకు బస్సుల్లో ఫ్రీ జర్నీ
దివ్యాంగుల సంక్షేమం కోసం ఏపీ ప్రభుత్వం ‘ఇంద్రధనస్సు’ పథకం కింద ఇవాళ్టి నుంచి ఉచిత బస్సు ప్రయాణ సౌకర్యాన్ని ప్రారంభించింది. మహిళలకు అమలు చేస్తున్న ‘స్త్రీ శక్తి’ తరహాలోనే 40%, అంతకంటే ఎక్కువ వైకల్యం ఉన్నవారు పల్లెవెలుగు, ఎక్స్ప్రెస్ సహా 5 రకాల RTC బస్సుల్లో ఫ్రీగా ప్రయాణించవచ్చు. సదరం సర్టిఫికెట్ లేదా స్మార్ట్ కార్డ్ చూపించి జీరో టికెట్ పొందొచ్చు. ఇతర బస్సుల్లో పాత పద్ధతిలోనే 50% రాయితీ ఉంటుంది.
News March 1, 2026
ఇరాన్ బెదిరింపులు.. ట్రంప్ స్ట్రాంగ్ వార్నింగ్
అమెరికాపై ప్రతీకార <<19268566>>దాడి<<>> చేస్తామన్న ఇరాన్ బెదిరింపులపై ప్రెసిడెంట్ ట్రంప్ స్పందించారు. ‘ఇవాళ భీకర దాడి చేస్తామని ఇరాన్ బెదిరించింది. చరిత్రలో ఎన్నడూ లేని విధంగా అటాక్ చేస్తామంది. ఇరాన్ ఆ పని చేయకుండా ఉంటే మంచిది. ఒకవేళ ఆ పని చేస్తే మేం చేసే దాడి మామూలుగా ఉండదు. గతంలో ఎన్నడూ చూడని విధంగా మా బలగాలను రంగంలోకి దించాల్సి వస్తుంది’ అని వార్నింగ్ ఇచ్చారు.