News January 31, 2025
కౌటాల మండంలో పర్యటించిన TGNPDCL CMD
కౌటాల మండల కేంద్రంలో పనులు జరుగుతున్న 132/33 సబ్ స్టేషన్‌ను గురువారం విద్యుత్ శాఖ సీఎండీ వరుణ్ రెడ్డి తనిఖీ చేశారు. ఆయన మాట్లాడుతూ.. ఫిబ్రవరి 25 వరకు సబ్ స్టేషన్ పనులు పూర్తిచేసి ప్రారంభిస్తామన్నారు. దీంతో సిర్పూరు (టీ), కౌటాల, బెజ్జూరు, చింతలమానేపల్లి మండలాలకు విద్యుత్ సమస్యలు తీరుతాయన్నారు. CE అశోక్, DE సంపత్ రెడ్డి, వివిధ మండలాల విద్యుత్ శాఖ అధికారులు ఉన్నారు.
Similar News
News November 13, 2025
మహిళను వేధించిన కేసులో వ్యక్తికి జైలు
మహిళను వేధించిన కేసులో కోర్టు ఒకరికి జైలు శిక్ష విధించినట్లు కొల్లూరు SI అమర వర్ధన్ తెలిపారు. SI వివరాల మేరకు తాడిగిరిపాడుకు చెందిన టి. క్రీస్తురాజు అదే గ్రామానికి చెందిన ఓ మహిళని 2022లో వేధించేవాడు. మహిళ ఫిర్యాదుతో నిందితుడిపై కేసు నమోదైంది. అతనిపై నేరం నిరూపణ అవ్వటంతో తెనాలి ప్రధాన సివిల్ జడ్జ్ పవన్ కుమార్ ఒక నెల జైలు శిక్ష, రూ.1000లు జరిమాన విధించారు.
News November 13, 2025
విశాఖ సదస్సుతో రూ.10 లక్షల కోట్ల పెట్టుబడులు: సీఎంవో
AP: విశాఖలో జరగనున్న CII భాగస్వామ్య సదస్సుకు రూ.10 లక్షల కోట్ల వరకు పెట్టుబడులు వస్తాయని ప్రభుత్వం భావిస్తోందని CMO తెలిపింది. ఈ సమావేశంలో ప్రముఖ సంస్థలతో ఒప్పందాలు జరుగుతాయని వెల్లడించింది. ‘ఇన్వెస్ట్ ఇన్ ఏపీ’ సందేశాన్ని సమ్మిట్ ద్వారా చాటి చెప్పాలని సీఎం చంద్రబాబు సంకల్పించినట్లు పేర్కొంది. కాగా ఈ సదస్సులో సీఎం వైజాగ్‌కు చేరుకోగా ఆయనకు హోంమంత్రి అనిత, పలువురు మంత్రులు స్వాగతం పలికారు.
News November 13, 2025
మహానంది కోనేరు వద్ద భద్రత కరవు?
మహానంది దేవస్థానంలోని కోనేరుల వద్ద భక్తులకు భద్రత కరవైందనే ఆరోపణలు వినిపిస్తున్నాయి. ఇక్కడ వేలాది మంది పుణ్యస్నానాలు ఆచరిస్తుంటారు. గతంలో చోరీల నివారణకు షిఫ్టుల వారీగా 8 మంది హోంగార్డులు విధులు నిర్వర్తించేవారు. అయితే, ప్రస్తుతం వేతనాల భారం పేరుతో వారి సంఖ్యను ఒక్కరికి తగ్గించడంతో భద్రత ప్రశ్నార్థకమైందని భక్తులు అంటున్నారు.