News January 31, 2025

పెద్ద శేషవాహనం అభయమిచ్చిన కడప రాయుడు

దేవుని కడప శ్రీ లక్ష్మీ వెంకటేశ్వర స్వామి వార్షిక బ్రహ్మోత్సవాల్లో భాగంగా 2వ రోజు గురువారం పెద్ద శేష వాహనంపై శ్రీనివాసుడు భక్తులకు అభయమిచ్చాడు. ముందుగా వాహనంపై కడప రాయుడిని ఆసీనులు చేసి, పట్టు వస్త్రాలు, బంగారు ఆభరణాలు తొడిగి, తులసి గజమాలలతో సుందరంగా అలంకరించి, మహా హారతి అనంతరం గ్రామోత్సవం ప్రారంభమైంది. ఈ ఊరేగింపులో స్వామిని తిలకించిన భక్తులు తన్మయం చెంది, స్వామి వారికి కాయ కర్పూరం సమర్పించారు.