News January 31, 2025
సిరిసిల్ల: బెటాలియన్‌ కానిస్టేబుల్ మృతి
సిరిసిల్ల జిల్లా వీర్నపల్లి మండలం గర్జనపల్లికి చెందిన కళ్యాణ్‌నాయక్ బుధవారం రోడ్డు ప్రమాదంలో మృతిచెందాడు. కాగా, ఈయన నిజామాబాద్ జిల్లా డిచ్పల్లి 7వ బెటాలియన్‌లో కానిస్టేబుల్‌గా విధులు నిర్వహిస్తున్నాడు. డిచ్పల్లికి వెళ్తుండగా మార్గమధ్యలో వెనుకనుంచి వచ్చిన లారీ ఢీ కొట్టింది. ఈ ఘటనలో కానిస్టేబుల్ అక్కడికక్కడే మృతి చెందాడు. గురువారం స్వగ్రామంలో అంత్యక్రియలు నిర్వహించారు.
Similar News
News January 31, 2025
బోనకల్ ఘటనపై పొంగులేటి దిగ్భ్రాంతి
బోనకల్ సమీపంలోని సాగర్ కెనాల్ వద్ద ట్రాక్టర్ బోల్తాపడి ఒక మహిళా కూలీ మృతి చెందగా, పలువురికి గాయాలైన సంగతి తెలిసిందే. ఈ ఘటనపై మంత్రి పొంగులేటి శ్రీనివాస రెడ్డి తీవ్ర దిగ్భ్రాంతి వ్యక్తం చేశారు. మృతురాలి కుటుంబానికి ప్రగాఢ సానుభూతి తెలిపారు. క్షతగాత్రులకు మెరుగైన చికిత్స అందించాలని ఖమ్మం ప్రభుత్వాస్పత్రి వైద్యులను ఆదేశించారు.
News January 31, 2025
పార్టీ ఫిరాయింపులు.. అసెంబ్లీ సెక్రటరీపై సుప్రీం ఆగ్రహం
TG: పార్టీ ఫిరాయింపులపై సుప్రీంకోర్టులో విచారణ జరిగింది. ఈ అంశంపై నిర్ణయం తీసుకోవడానికి మీ దృష్టిలో తగిన సమయం అంటే ఎంత అని అసెంబ్లీ సెక్రటరీని ధర్మాసనం ప్రశ్నించింది. రీజనబుల్ టైమ్ అంటే మహారాష్ట్ర అసెంబ్లీ గడువు ముగిసే వరకా అంటూ ఆగ్రహం వ్యక్తం చేసింది. స్పీకర్‌ను అడిగి నిర్ణయం చెబుతామని న్యాయవాది ముకుల్ రోహత్గీ కోర్టుకు తెలిపారు. దీనిపై తదుపరి విచారణ వచ్చే వారానికి వాయిదా పడింది.
News January 31, 2025
భూపాలపల్లి: డ్రైవర్లకు కళ్లద్దాలు పంపిణీ చేసిన కలెక్టర్, ఎస్పీ
భూపాలపల్లి జిల్లా పట్టణ కేంద్రంలోని డా.బీఆర్ అంబేడ్కర్ సెంటర్‌లో ఏర్పాటు చేసిన సమావేశంలో కలెక్టర్ రాహుల్ శర్మ, ఎస్పీ కిరణ్ ఖరే పాల్గొని పలువురు డ్రైవర్లకు ఉచితంగా కళ్లద్దాలు పంపిణీ చేశారు. కలెక్టర్ మాట్లాడుతూ.. వాహనదారులు హెల్మెట్ ధరించడం వల్ల రోడ్డు ప్రమాదాలు జరిగినప్పుడు ప్రాణాలను కాపాడుకోవడానికి అవకాశం ఉందని తెలిపారు. వాహనదారులు కుటుంబ సభ్యులను గుర్తు చేసుకుని వాహనం నడపాలని కోరారు.