News January 31, 2025
వన్ నేషన్ – వన్ ఎలక్షన్ దిశగా అడుగులు: ముర్ము
దేశాభివృద్ధి కోసం వేగంగా నిర్ణయాలు తీసుకుంటున్నామని రాష్ట్రపతి ద్రౌపదీ ముర్ము చెప్పారు. వన్ నేషన్-వన్ ఎలక్షన్ దిశగా అడుగులు వేస్తున్నామని పార్లమెంట్ ప్రసంగంలో తెలిపారు. ఇప్పటి వరకు 25 కోట్ల మందిని పేదరికం నుంచి బయటకు తీసుకొచ్చినట్లు వెల్లడించారు. త్వరలోనే దేశం మూడో అతిపెద్ద ఆర్థిక వ్యవస్థగా మారుతుందన్నారు. రైతులు, మహిళలు, పేదలు, యువతకు ప్రాధాన్యతనిస్తూ బడ్జెట్‌లో కేటాయింపులు ఉంటాయని తెలిపారు.
Similar News
News January 31, 2025
అప్పటి లోపు టీచర్ల బదిలీ పూర్తి: మంత్రి లోకేశ్
AP: మార్చిలో ప్రారంభించి విద్యా సంవత్సరం ప్రారంభం కల్లా టీచర్ల బదిలీ పూర్తి చేస్తామని మంత్రి లోకేశ్ అన్నారు. ‘ఉమ్మడి AP, నవ్యాంధ్రలో 80% టీచర్ల నియామకం చేసింది మేమే. ఉపాధ్యాయ సంఘాలతో నిత్యం సంప్రదింపులు జరుపుతున్నాం. ప్రభుత్వ నిర్ణయాల్లో టీచర్ల అభిప్రాయాలుంటాయి. విద్యాశాఖ కమిషనర్ ప్రతి శుక్రవారం వారి సమస్యలు వింటున్నారు. బదిలీల్లో పారదర్శకత కోసం ట్రాన్స్‌ఫర్ యాక్ట్ తెస్తున్నాం’ అని చెప్పారు.
News January 31, 2025
ఓటీటీలోకి సూపర్‌హిట్ మూవీ
మలయాళంలో చిన్న చిత్రంగా విడుదలై సంచలనం సృష్టించిన యాక్షన్ థ్రిల్లర్ మూవీ మార్కో. ఉన్ని ముకుందన్ హీరోగా నటించిన ఈ సినిమా OTT స్ట్రీమింగ్ ఖరారైంది. ఫిబ్రవరి 14 నుంచి స్ట్రీమింగ్ అవుతుందని సోనీ లివ్ వెల్లడించింది. మలయాళంతో పాటు తెలుగు, తమిళ, కన్నడ భాషల్లో స్ట్రీమింగ్ కానుంది. రూ.30 కోట్ల బడ్జెట్‌తో తెరకెక్కిన ఈ మూవీ డిసెంబర్ 20న విడుదలై రూ.100 కోట్లకుపైగా వసూళ్లను రాబట్టింది.
News January 31, 2025
కాంగ్రెస్ ట్విటర్‌ పోల్‌పై కేసీఆర్ రియాక్షన్
TG: ట్విటర్‌లో టీకాంగ్రెస్ నిర్వహించిన <<15307146>>పోలింగ్‌పై<<>> కేసీఆర్ స్పందించారు. ‘వాళ్ల పార్టీవాడే సోషల్ మీడియాలో పోలింగ్ పెట్టాడు. అందులో 70శాతం మనకు వచ్చింది, 30శాతం వాళ్లకు వచ్చింది. వాడు పెట్టిందే అది మనం పెట్టింది కాదు’ అని సెటైర్లు వేశారు. కాగా ‘రాష్ట్రంలో ఎలాంటి పాలన కోరుకుంటున్నారు? 1.ఫామ్‌హౌస్ పాలన 2.ప్రజల వద్దకు పాలన’ అంటూ నిన్న INC ట్విటర్‌లో పోల్ పెట్టింది.