News January 31, 2025
అంతర్వేది వరకు బస్సులు నడపాలని వినతి
అంతర్వేది కళ్యాణోత్సవాలకు స్పెషల్ బస్సుల పేరుతో అధిక చార్జీలు వసూలు చేయరాదని బజరంగ్ దళ్ నాయకుడు శిరంగు నాయుడు కోరారు. అమలాపురం నుంచి మలికిపురం వరకే కాకుండా అంతర్వేది వరకు పూర్తిస్థాయిలో బస్సులు నడపాలని విన్నవించారు. ఈ మేరకు ఆయన అమలాపురం ఆర్టీసీ డిపో మేనేజర్ చర్ల సూర్యనారాయణను శుక్రవారం కలిసి వినతిపత్రం అందజేశారు. భక్తులు రద్దీకి తగ్గట్టుగా పూర్తిస్థాయిలో బస్సులు నడపాలని కోరారు.
Similar News
News January 31, 2025
సిరిసిల్ల: కోడ్‌ను కట్టుదిట్టంగా అమలు చేయాలి: ఎన్నికల అధికారి
ఎన్నికల ప్రవర్తన నియమావళిని కట్టుదిట్టంగా అమలుచేయాలని ఎమ్మెల్సీ ఎన్నికల అధికారి పమేలా సత్పతి అన్నారు. ఎమ్మెల్సీ ఎన్నికలపై టెలి కాన్ఫరెన్స్ ద్వారా సిరిసిల్ల పట్టణంలోని కలెక్టర్ కార్యాలయంలో అదనపు కలెక్టర్ ఖిమ్యానాయక్‌తో శుక్రవారం మాట్లాడారు. పట్టభద్రుల, టీచర్ల ఓటర్ నమోదు పెండింగ్ దరఖాస్తులను ఫిబ్రవరి 7లోపు పరిష్కరించాలని ఆమె ఆదేశించారు. రాజకీయ పార్టీల హోల్డింగులు, గోడ రాతలు, జెండాలు తొలగించాలన్నారు.
News January 31, 2025
మొగిలిగిద్ద ZPHSకు రూ.10 కోట్లు మంజూరు
TG: RR(D) ఫరూక్‌నగర్(మ) మొగిలిగిద్ద ZPHS స్కూలు 150వ వార్షికోత్సవంలో పాల్గొన్న CM రేవంత్ రెడ్డి పాఠశాలపై వరాల జల్లు కురిపించారు. అడ్వాన్స్‌డ్ టెక్నాలజీ సెంటర్ మంజూరు చేశారు. పాఠశాల నూతన భవనం, గ్రంథాలయ భవన నిర్మాణాలకు రూ.10 కోట్లు, గ్రామంలో సీసీ రోడ్ల నిర్మాణాల కోసం రూ.5 కోట్లు, పంచాయతీ కార్యాలయం కోసం రూ.50లక్షలు, జూనియర్ కాలేజీలో మౌలిక సదుపాయాలకు రూ.50లక్షలు ఇస్తున్నట్లు ప్రకటించారు.
News January 31, 2025
ADB: చేతగానితనానికి నిదర్శనం కేసీఆర్: మంత్రి సీతక్క
చేతగానితనానికి నిదర్శనం కేసీఆర్ అని మంత్రి సీతక్క విమర్శించారు. కుంభకర్ణుడిలా ఫామ్ హౌస్‌లో పడుకుంటారని మండిపడ్డారు. ఇంద్రవెల్లి మండలం కేస్లాపూర్‌లో ఆమె మీడియాతో మాట్లాడారు. అధికారంలో ఉంటే తప్ప అసెంబ్లీకి రాలేదని పేర్కొన్నారు. వందల ఎకరాల ఫాంహౌస్‌లకు రైతుబంధు ఇస్తే తాము.. వరి రైతులకు బోనస్, గ్యాస్‌ను రూ.500 సబ్సిడీ ఇస్తున్నామన్నారు. మళ్లీ కొత్త పథకాలతో ప్రజలకు మేలు చేస్తామని పేర్కొన్నారు.