News January 31, 2025
8th Pay Commission: జీతాలు 10 నుంచి 30% మాత్ర‌మే పెంపు?
కేంద్ర ప్ర‌భుత్వ ఉద్యోగుల వేత‌న పెంపు కోసం ఏర్పాటైన 8వ వేత‌న స‌వ‌ర‌ణ సంఘం 2025 చివ‌రిక‌ల్లా నివేదిక స‌మ‌ర్పించ‌నుంది. అయితే కొన్ని ఊహాగానాల మేర‌కు ఉద్యోగుల వేత‌నాలు ప్ర‌చారంలో ఉన్న‌ట్టు 186% మేర కాకుండా 10 నుంచి 30% మాత్ర‌మే పెరిగే అవ‌కాశం ఉందని పలువురు నిపుణులు విశ్లేషిస్తున్నారు. ఉద్యోగులు ఆశిస్తున్న 2.86% ఫిట్‌మెంట్ ఫ్యాక్టర్ అసాధ్య‌మ‌ని మాజీ ఫైనాన్స్ సెక్రటరీ సుభాష్ చంద్ర గర్గ్ పేర్కొన్నారు.
Similar News
News January 31, 2025
ఢిల్లీ ఎన్నికల ప్రచారానికి పవన్!
ఏపీ Dy.CM పవన్ ఢిల్లీ ఎన్నికల ప్రచారానికి వెళ్లనున్నట్లు సమాచారం. బీజేపీ అభ్యర్థుల తరఫున ఆయన ప్రచారం చేయనున్నట్లు తెలుస్తోంది. మహారాష్ట్ర ఎన్నికల వేళ తెలుగు ప్రజలు ఉన్న ప్రాంతాల్లో పవన్ ప్రచారం తమకు కలిసొచ్చినట్లు బీజేపీ భావిస్తోంది. అదే వ్యూహాన్ని ఢిల్లీలోనూ అమలు చేయాలని ఆ పార్టీ అధిష్ఠానం ఈ నిర్ణయం తీసుకుంటున్నట్లు తెలుస్తోంది. అయితే ఏ తేదీల్లో ప్రచారం చేస్తారనే విషయంపై ప్రకటన వెలువడాల్సి ఉంది.
News January 31, 2025
‘తండేల్’ ప్రీరిలీజ్ వేడుకకు ఐకాన్ స్టార్
అక్కినేని నాగచైతన్య, సాయిపల్లవి జంటగా నటిస్తోన్న ‘తండేల్’ సినిమా ప్రీరిలీజ్ ఈవెంట్ రేపు హైదరాబాద్‌లో జరగనుంది. ఈ వేడుకకు రాబోతున్న చీఫ్ గెస్ట్‌ను మేకర్స్ ప్రకటించారు. ‘పుష్ప-2’ సినిమాతో బ్లాక్ బస్టర్ విజయాన్ని అందుకున్న ఐకాన్ స్టార్ అల్లు అర్జున్ ఈవెంట్‌కు వస్తున్నట్లు తెలిపారు. చందూ మొండేటి తెరకెక్కించిన ఈ చిత్రం ఫిబ్రవరి 7న విడుదల కానుంది.
News January 31, 2025
మొగిలిగిద్ద ZPHSకు రూ.10 కోట్లు మంజూరు
TG: RR(D) ఫరూక్‌నగర్(మ) మొగిలిగిద్ద ZPHS స్కూలు 150వ వార్షికోత్సవంలో పాల్గొన్న CM రేవంత్ రెడ్డి పాఠశాలపై వరాల జల్లు కురిపించారు. అడ్వాన్స్‌డ్ టెక్నాలజీ సెంటర్ మంజూరు చేశారు. పాఠశాల నూతన భవనం, గ్రంథాలయ భవన నిర్మాణాలకు రూ.10 కోట్లు, గ్రామంలో సీసీ రోడ్ల నిర్మాణాల కోసం రూ.5 కోట్లు, పంచాయతీ కార్యాలయం కోసం రూ.50లక్షలు, జూనియర్ కాలేజీలో మౌలిక సదుపాయాలకు రూ.50లక్షలు ఇస్తున్నట్లు ప్రకటించారు.