News January 31, 2025

ఇక లాభం లేదు.. పోరాటమే: KCR

TG: రాష్ట్రంలో మళ్లీ కరెంట్ కోతలు, నీళ్ల కరవు వచ్చాయని KCR ఆరోపించారు. ప్రశ్నిస్తే పోలీసులతో కేసులు పెట్టిస్తున్నారన్నారు. సంగమేశ్వర, బసవేశ్వర ఎత్తిపోతలకు టెండర్లు ఎందుకు పిలవరు? అని ప్రశ్నించారు. వాటిని అడ్డుకోవడంలో మతలబేంటి? అని నిలదీశారు. ఓట్ల కోసం కాంగ్రెస్ ముస్లింలను వాడుకుందని ఆరోపించారు. గురుకులాల్లో అన్నీ సమస్యలే కనిపిస్తున్నాయని చెప్పారు. ఇక లాభం లేదు, ప్రత్యక్ష పోరాటమే శరణ్యమన్నారు.