News January 31, 2025
సచిన్‌కు బీసీసీఐ లైఫ్‌టైమ్ అచీవ్‌మెంట్ అవార్డు
భారత క్రికెట్ దిగ్గజం సచిన్ టెండూల్కర్‌కు బీసీసీఐ సీకే నాయుడు జీవితకాల సాఫల్య పురస్కారాన్ని అందించనుంది. ముంబైలోని బోర్డు ప్రధాన కార్యాలయంలో రేపు జరిగే వార్షిక కార్యక్రమంలో సచిన్‌కు ఆ పురస్కారాన్ని ప్రదానం చేయనుంది. భారత్ తరఫున ఆయన 664 మ్యాచులాడారు. క్రికెట్ చరిత్రలోనే అత్యధిక టెస్టు, వన్డే పరుగులు చేశారు. మాజీ ఆటగాళ్లు రవి శాస్త్రి, ఫరూఖ్ ఇంజినీర్‌కు 2023లో ఈ పురస్కారం లభించింది.
Similar News
News January 31, 2025
YCPకి విజయసాయి రాజీనామా
AP: మొన్న ఎంపీ పదవికి రాజీనామా చేసిన విజయసాయిరెడ్డి ఇవాళ YCP, పార్టీ పదవులకు రాజీనామా చేశారు. తన రాజీనామాను జగన్‌కు పంపినట్లు ట్వీట్ చేశారు. 2029 ఎన్నికల్లో జగన్ భారీ మెజార్టీతో గెలిచి CM కావాలని కోరుకుంటున్నట్లు పేర్కొన్నారు. తన రాజకీయ ప్రయాణంలో అండగా నిలిచిన ప్రతి ఒక్కరికీ VSR కృతజ్ఞతలు చెప్పారు. శత్రువులకు, అపార్థాలకు అవకాశం ఇవ్వని విధంగా జీవించాలని వ్యవసాయం ప్రారంభించినట్లు తెలిపారు.
News January 31, 2025
ప్రెసిడెంట్‌పై అమ్మకు ఎంతో గౌరవం ఉంది: ప్రియాంక
ప్రెసిడెంట్ ద్రౌపదీ ముర్ముపై సోనియా గాంధీ ‘పూర్ థింగ్’ <<15319555>>కామెంట్స్‌ను<<>> మీడియా వక్రీకరించిందని ఎంపీ, సోనియా కూతురు ప్రియాంకా గాంధీ అన్నారు. ‘ముర్ము చాలా పెద్ద ప్రసంగం చేశారని, ఆమె అలసిపోయి ఉండొచ్చని మాత్రమే అన్నారు. దాన్నే పూర్ థింగ్‌గా అభివర్ణించారు. కానీ మీడియా వక్రీకరణతో అర్థమంతా మారిపోయింది. నా తల్లికి 78 ఏళ్లు. ప్రెసిడెంట్‌పై ఆమెకెంతో గౌరవం ఉంది. కించపరచాలనే ఉద్దేశం లేదు’ అని వివరించారు.
News January 31, 2025
ఢిల్లీ ఎన్నికల ప్రచారానికి పవన్!
ఏపీ Dy.CM పవన్ ఢిల్లీ ఎన్నికల ప్రచారానికి వెళ్లనున్నట్లు సమాచారం. బీజేపీ అభ్యర్థుల తరఫున ఆయన ప్రచారం చేయనున్నట్లు తెలుస్తోంది. మహారాష్ట్ర ఎన్నికల వేళ తెలుగు ప్రజలు ఉన్న ప్రాంతాల్లో పవన్ ప్రచారం తమకు కలిసొచ్చినట్లు బీజేపీ భావిస్తోంది. అదే వ్యూహాన్ని ఢిల్లీలోనూ అమలు చేయాలని ఆ పార్టీ అధిష్ఠానం ఈ నిర్ణయం తీసుకుంటున్నట్లు తెలుస్తోంది. అయితే ఏ తేదీల్లో ప్రచారం చేస్తారనే విషయంపై ప్రకటన వెలువడాల్సి ఉంది.