News January 31, 2025
కుంభమేళాలో జగిత్యాలకు చెందిన మహిళలు మిస్సింగ్
జగిత్యాల జిల్లా విద్యానగర్‌కు చెందిన నరసవ్వ (55) కుటుంబ సభ్యులతో, కొత్తవాడకు చెందిన రాజవ్వ (55) తన బంధువులతో కలిసి ఈ నెల 29న మహా కుంభమేళాకు వెళ్లారు. ఈ సందర్భంగా మహా కుంభమేళాలో భారీ సంఖ్యలో భక్తులు తరలిరాగా నరసవ్వ, రాజవ్వ ఇద్దరు మిస్సయ్యారు. అయితే, వారి ఆచూకీ కోసం కుటుంబ సభ్యులు గాలిస్తున్నారు. పూర్తి వివరాలు తెలియాల్సి ఉంది.
Similar News
News January 31, 2025
YS జగన్, భారతి ఫొటోలతో పెళ్లి శుభలేఖ
AP: స్టేట్ కాపు కార్పొరేషన్ మాజీ డైరెక్టర్ ముద్దాల తిరుపతి రావు మాజీ CM జగన్‌పై వినూత్న పద్ధతిలో అభిమానాన్ని చాటుకున్నారు. తన కూతురు ప్రత్యూష పెళ్లి సందర్భంగా జగన్, భారతి ఫొటోలను వెడ్డింగ్ కార్డుపై ప్రింట్ చేయించారు. వారి ఆశీస్సులతో తన కూతురి పెళ్లి జరుగుతుందని పేర్కొంటూ ఆహ్వానిస్తున్నారు. దీంతో ఈ శుభలేఖ నెట్టింట వైరల్ అవుతోంది. ఇక లండన్ టూర్ నుంచి జగన్ దంపతులు ఇవాళే ఇండియాకు తిరిగివచ్చారు.
News January 31, 2025
నీలంరాజుకు GOLD మెడల్.. లోకేశ్ అభినందనలు
AP: ఉత్తరాఖండ్‌లో జరుగుతున్న 38వ నేషనల్ గేమ్స్‌లో గుంటూరుకు చెందిన నీలంరాజు సత్తా చాటారు. వెయిట్ లిఫ్టింగ్‌ 67 కేజీల విభాగంలో తొలిస్థానంలో నిలిచి గోల్డ్‌మెడల్ సాధించారు. దీంతో నీలంరాజును మంత్రి నారా లోకేశ్ ట్విటర్ వేదికగా అభినందించారు. ఇది రాష్ట్ర ప్రజలందరూ గర్వించదగ్గ విషయం అని కొనియాడారు. భవిష్యత్తులో మరింతగా రాణించి పలువురికి ఆదర్శంగా నిలవాలని లోకేశ్ పేర్కొన్నారు.
News January 31, 2025
నసురుల్లాబాద్: సాయిబాబా ఆలయంలో అమెరికా బృందం
నసురుల్లాబాద్ మండలం నెమ్లి గ్రామంలోని సాయిబాబా మందిరాన్ని శుక్రవారం అమెరికా బృందం సభ్యులు సందర్శించారు. ఆలయంలో తిరిగి పరిశీలించారు. ఆలయంలో నిర్వహిస్తున్న పూజా కార్యక్రమాలను పూజారులను అడిగి తెలుసుకున్నారు. అనంతరం ఆలయ కమిటీ సభ్యులు ఏర్పాటు చేసిన సన్మాన కార్యక్రమంలో పాల్గొన్నారు. ఈ కార్యక్రమంలో రమేష్ రెడ్డి, విట్టల్ రెడ్డి, DSR రాజు, అనుపాల్ రెడ్డి, విజయకుమార్ రెడ్డి తదితరులు పాల్గొన్నారు.