News January 31, 2025
కాంగ్రెస్ ట్విటర్‌ పోల్‌పై కేసీఆర్ రియాక్షన్
TG: ట్విటర్‌లో టీకాంగ్రెస్ నిర్వహించిన <<15307146>>పోలింగ్‌పై<<>> కేసీఆర్ స్పందించారు. ‘వాళ్ల పార్టీవాడే సోషల్ మీడియాలో పోలింగ్ పెట్టాడు. అందులో 70శాతం మనకు వచ్చింది, 30శాతం వాళ్లకు వచ్చింది. వాడు పెట్టిందే అది మనం పెట్టింది కాదు’ అని సెటైర్లు వేశారు. కాగా ‘రాష్ట్రంలో ఎలాంటి పాలన కోరుకుంటున్నారు? 1.ఫామ్హౌస్ పాలన 2.ప్రజల వద్దకు పాలన’ అంటూ నిన్న INC ట్విటర్‌లో పోల్ పెట్టింది.
Similar News
News January 31, 2025
ఒంటరిగా అనిపిస్తే గద్దర్ వద్దకు వెళ్లేవాడిని: CM
TG: గద్దర్ చివరిచూపు ప్రజలందరికీ దక్కాలని భౌతికకాయాన్ని తీసుకెళ్తే గత ప్రభుత్వం ఎల్బీ స్టేడియానికి తాళం వేసిందని సీఎం రేవంత్ రెడ్డి ఆరోపించారు. చివరి శ్వాస వరకు నమ్మిన సిద్ధాంతాల కోసం జీవించారని గద్దర్ జయంతి కార్యక్రమంలో వ్యాఖ్యానించారు. ఒంటరిననే భావన వచ్చినప్పుడల్లా ఆయన దగ్గరికి వెళ్లేవాడినని రేవంత్ గుర్తు చేసుకున్నారు. గద్దర్ పేరిట అవార్డులు ఇవ్వడమంటే ఏటా ఆయనను స్మరించుకోవడమేనని రేవంత్ అన్నారు.
News January 31, 2025
KCR గర్జనలు గమనిస్తున్నాం: పొంగులేటి
TG: KCR గర్జనలు, గంభీరాలు గమనిస్తున్నామని మంత్రి పొంగులేటి తెలిపారు. ఆయన ఫామ్హౌస్ నుంచే మాట్లాడతారా.. అసెంబ్లీకి కూడా వస్తారా? అని ఎద్దేవా చేశారు. ప్రతిపక్ష నేత ప్రజల్లో తిరిగి వారి సమస్యలు ప్రస్తావించాలన్నారు. వరదలొచ్చినప్పుడు ప్రజలను కనీసం పరామర్శించలేదని మంత్రి విమర్శించారు. ఇన్ని రోజులు ఫామ్‌హౌస్‌లో ఉన్న KCR పంచాయతీ ఎన్నికల కోసమే బయటకు వస్తానంటున్నారని ప్రభుత్వ విప్ ఆది శ్రీనివాస్ చెప్పారు.
News January 31, 2025
సన్యాసిగా మారిన హీరోయిన్.. ట్విస్ట్
మహా కుంభమేళా వేదికగా <<15247035>>సాధ్విగా<<>> మారిన హీరోయిన్ మమతా కులకర్ణికి ఎదురుదెబ్బ తగిలింది. కిన్నెర అఖాడా నుంచి ఆమెను తొలగిస్తూ ఫౌండర్ రిషి అజయ్ దాస్ ప్రకటన జారీ చేశారు. మమతను సాధ్విగా ప్రకటించిన లక్ష్మీనారాయణ త్రిపాఠిని కూడా తప్పిస్తున్నట్లు తెలిపారు. రాజద్రోహం ఆరోపణలు ఎదుర్కొంటూ గ్లామర్ ప్రపంచానికి చెందిన వ్యక్తికి ఏకంగా ‘మహామండలేశ్వర్’ స్థానాన్ని కట్టబెట్టడం సనాతన ధర్మానికి విరుద్ధమని ఆయన మండిపడ్డారు.