News January 31, 2025
ADB: చేతగానితనానికి నిదర్శనం కేసీఆర్: మంత్రి సీతక్క
చేతగానితనానికి నిదర్శనం కేసీఆర్ అని మంత్రి సీతక్క విమర్శించారు. కుంభకర్ణుడిలా ఫామ్ హౌస్‌లో పడుకుంటారని మండిపడ్డారు. ఇంద్రవెల్లి మండలం కేస్లాపూర్‌లో ఆమె మీడియాతో మాట్లాడారు. అధికారంలో ఉంటే తప్ప అసెంబ్లీకి రాలేదని పేర్కొన్నారు. వందల ఎకరాల ఫాంహౌస్‌లకు రైతుబంధు ఇస్తే తాము.. వరి రైతులకు బోనస్, గ్యాస్‌ను రూ.500 సబ్సిడీ ఇస్తున్నామన్నారు. మళ్లీ కొత్త పథకాలతో ప్రజలకు మేలు చేస్తామని పేర్కొన్నారు.
Similar News
News February 1, 2025
నిర్మల్‌లో తప్పిపోయి మెట్‌పెల్లిలో కనిపించాడు
నిర్మల్‌లో వ్యక్తి తప్పిపోయి మెట్‌పెల్లిలో కనిపించిన ఘటన చోటుచేసుకుంది. స్థానికుల కథనం ప్రకారం.. ADBజిల్లా బోథ్‌కు చెందిన అబ్దుల్ మాజీద్ (40) గురువారం నిర్మల్‌లో ఓ శుభకార్యంలో పాల్గొన్నారు. ప్రార్థనల కోసమని బంధువుల ఇంటి నుంచి వెళ్లిన ఆయన కనిపించంలేదు. కుటుంబీకులు పోలీస్ స్టేషన్‌లో ఫిర్యాదు చేశారు. కాగా శుక్రవారం ఆయన జగిత్యాల జిల్లా మెట్‌పల్లిలో ఉన్నట్లు తెలుసుకొని ఊపిరి పీల్చుకున్నారు.
News February 1, 2025
MNCL: అభయారణ్యం నుంచి వెళ్లే వాహనాలకు FEES
చెన్నూరు డివిజన్ ప్రాణహిత కృష్ణ జింకల వన్యప్రాణుల అభయారణ్యం ప్రధాన ప్రాంతం గుండా వెళ్లే వాహనాలకు పర్యావరణ రుసుం వసూలుకు ప్రతిపాదించినట్లు జిల్లా అటవీ అధికారి శివ్ ఆశిష్ సింగ్ తెలిపారు. వెంచపల్లి రక్షిత అటవీ ప్రాంతంలోని కంపార్ట్మెంట్ నంబర్ 329, కోటపల్లిలోని పారుపల్లి, చెన్నూర్‌లోని కిష్టంపేట బీట్ వై జంక్షన్ వద్ద 2 చెక్ పాయింట్లు ఏర్పాటు చేసేందుకు ప్రతిపాదించామన్నారు.
News February 1, 2025
నాలుగో టీ20లో హీరోగా మారిన హర్షిత్
ఇంగ్లండ్‌తో జరిగిన నాలుగో టీ20లో హర్షిత్ రాణా కంకషన్ సబ్‌స్టిట్యూట్‌గా బరిలోకి దిగి హీరోగా అవతరించారు. కీలక సమయంలో 3 వికెట్లు పడగొట్టి ఓడిపోయే మ్యాచ్‌ను మలుపు తిప్పారు. బేథేల్, లివింగ్‌స్టోన్, ఓవర్టన్‌లను ఆయన పెవిలియన్ పంపారు. కంకషన్ సబ్‌స్టిట్యూట్‌గా అంతర్జాతీయ అరంగేట్రం చేసిన ఏడో ప్లేయర్‌గా రాణా నిలిచారు. గతంలో బ్రయాన్, నీల్ రాక్, జోండో, పార్కిన్‌సన్, కమ్రాన్ గులాం, బహిర్షాలు డెబుట్ చేశారు.