News February 1, 2025
భద్రాద్రి: బాధితురాలి కోసం జడ్జి వచ్చారు..!
సాధారణంగా కోర్టులో జడ్జి ఎదుట హాజరుకావాల్సి ఉంటుంది. కానీ భద్రాచలం ఫస్ట్ క్లాస్ మేజిస్ట్రేట్ కోర్టులో శుక్రవారం జడ్జే బాధితురాలి వద్దకు వచ్చి మానవత్వం చాటుకున్నారు. ఒక చెక్ బౌన్స్ కేసులో వాంగ్మూలం ఇవ్వాల్సిన ఉరిమెళ్ల పద్మావతి అనే మహిళ అనారోగ్యంతో మెట్లెక్కే స్థితిలో లేదు. విషయం తెలుసుకున్న జడ్జి వి.శివ నాయక్ మొదటి అంతస్తులో ఉన్న కోర్టు నుంచి దిగి ఆమె వద్దకు స్వయంగా వెళ్లి వాంగ్మూలం తీసుకున్నారు.
Similar News
News November 14, 2025
పర్యావరణం కోసం ఈ వారియర్ మామ్స్
దిల్లీలో శీతాకాలం వచ్చిందంటే చాలు వాయుకాలుష్య తీవ్రత పెరిగిపోతుంది. దీన్ని ఎదుర్కోవడానికి బవ్రీన్ వారియర్ మామ్స్‌కు శ్రీకారం చుట్టారు. వాయుకాలుష్యం చర్మం, జుట్టు, ఊపిరితిత్తులు, గుండెపై ప్రభావం చూపుతుంది. ఆహార ఉత్పత్తుల్లోని పోషక విలువలను నాశనం చేస్తుందంటున్న బవ్రీన్ ఎన్నో ప్రాంతాల్లో అవగాహనా కార్యక్రమాలు నిర్వహిస్తున్నారు. వారియర్ మామ్స్‌లో ప్రస్తుతం 1400లకు పైగా మహిళలు సభ్యులుగా ఉన్నారు.
News November 14, 2025
WGL: జిల్లాల పునర్విభజన గందరగోళం!
పునర్విభజనలో గత ప్రభుత్వం చేసిన తప్పిదాలను ప్రస్తుత ప్రభుత్వం సరిదిద్దకపోవడంపై విమర్శలు పెరుగుతున్నాయి. గందరగోళ విభజనపై సీఎం రేవంత్‌ రెడ్డి కూడా ఆందోళన వ్యక్తం చేసినా మార్పులు కనిపించడం లేదని ప్రజలు అంటున్నారు. విద్యార్థులు పరీక్షలకు దరఖాస్తులు చేసుకోవడంలో ఇబ్బందులు పడుతున్నారు. ఆధార్‌ అప్డేట్లలో HNK, WGL అర్బన్‌, రూరల్‌ పేర్లు కనిపిస్తుండగా ప్రస్తుతం ఉన్న WGL జిల్లా పేరు లేకపోవడం గమనార్హం.
News November 14, 2025
ప్రతిరోజూ ABC జ్యూస్ తాగితే జరిగేది ఇదే
ABC జ్యూస్.. యాపిల్, బీట్‌రూట్, క్యారెట్‌తో తయారు చేస్తారు. షుగర్, విటమిన్లు, ఖనిజాలు, 0.5గ్రా. ప్రొటీన్స్ లభించే ఈ జ్యూస్ తాగితే రక్తంలో హిమోగ్లోబిన్ లెవెల్స్ పెరుగుతాయి. పరగడుపున తాగితే శరీరంలో వ్యర్థాలు బయటకు వెళ్లిపోతాయి. ముఖం యంగ్‌గా కనిపిస్తుంది. జీర్ణక్రియ మెరుగుపడుతుంది. కేలరీలు తక్కువ ఉన్నందున బరువు తగ్గుతారు. 100మి.లీ జ్యూస్‌లో 45-50 కేలరీలు, 10-12గ్రా. కార్బోహైడ్రేట్లు బాడీకి అందుతాయి.