News February 1, 2025
HYD: స్వదేశాన్ని విమానంలో చుట్టేద్దాం!
విదేశాల్లో తిరగటం కంటే, మనోళ్లు స్వదేశంలో తిరిగేందుకు ఎక్కువ మొగ్గు చూపుతున్నట్లు ఇటీవల విడుదలైన రికార్డుల్లో తేలింది. AAI రిపోర్టు ప్రకారంగా.. ఒక నెలలో ఏకంగా 22.8 లక్షల మంది శంషాబాద్ అంతర్జాతీయ విమానాశ్రయం నుంచి మన దేశంలోని వివిధ రాష్ట్రాలకు విమాన సర్వీసులో ప్రయాణించినట్లుగా పేర్కొంది. శంషాబాద్ ఎయిర్పోర్ట్ నుంచి ఏకంగా 90కి పైగా నేషనల్, ఇంటర్నేషనల్ సర్వీసులు అందుబాటులో ఉన్నాయి.
Similar News
News November 8, 2025
నేరేడుచర్ల: ఈతకెళ్లి బాలిక గల్లంతు
మూసీ నదిలో ఈతకు వెళ్లి సుస్మిత (13) అనే బాలిక గల్లంతైన విషాద ఘటన నేరేడుచర్ల మండలం సోమారంలో శనివారం సాయంత్రం జరిగింది. గ్రామంలోని సోమప్ప సోమేశ్వరాలయం వెనుక ఉన్న నదిలో ముగ్గురు చిన్నారులు ఈతకు వెళ్లగా, సుస్మిత నీట మునిగింది. మిగతా ఇద్దరు క్షేమంగా బయటపడ్డారు. గల్లంతైన బాలిక కోసం రెస్క్యూ టీంను రంగంలోకి దించినట్లు ఎస్సై రవీందర్ తెలిపారు. బాలిక ఆచూకీ కోసం గాలింపు చర్యలు ముమ్మరమయ్యాయి.
News November 8, 2025
రాజోలిలో క్షుద్ర పూజలు కలకలం
రాజోలి మండల కేంద్రంలోని ఆర్డీటీ కాలనీలో క్షుద్ర పూజలు కలకలం రేపాయి. గ్రామానికి చెందిన ఆంజనేయులు ఇంటిని రేణుక శివశంకర్ దంపతులు అద్దెకు తీసుకొని ఇంట్లో నివాసం ఉంటున్నారు. శనివారం మధ్యాహ్నం ఇంట్లో నిద్రలో ఉన్నారు. సాయంత్రం ఇంట్లో నుంచి వచ్చి చూడగా ఇంటి గేటు ముందు ఒక బొమ్మపై పసుపు, కుంకుమ పడి ఉండడం చూసి హడలెత్తిపోయామని వారు అన్నారు. ఇదే ఇంట్లో గత నెల 28 తేదీన దొంగతనం జరిగింది.
News November 8, 2025
కొండాపూర్ శివారులో రోడ్డుప్రమాదం.. ఆటోడ్రైవర్ మృతి
మేడిపల్లి మండలం కొండాపూర్ గ్రామానికి చెందిన ఆటో డ్రైవర్ అనుమల్ల గంగాధర్(55) రోడ్డు ప్రమాదంలో మృతి చెందినట్లు ఎస్సై శ్రీధర్ రెడ్డి శనివారం తెలిపారు. ఈనెల 4న గంగాధర్ భీమారం నుంచి కొండాపూర్ వైపు ఆటోలో వస్తున్నాడు. ఈ క్రమంలో ఎదురుగా వచ్చిన ట్రాక్టర్ అతడిని ఢీకొట్టింది. ఈ ప్రమాదంలో గాయపడిన గంగాధర్‌ను చికిత్స నిమిత్తం కరీంనగర్ ఆస్పత్రికి తరలించారు. చికిత్స పొందుతూ ఇవాళ మృతి చెందాడు. దీంతో కేసు నమోదైంది.