News February 3, 2025
బయ్యారం: చిన్నారిపై వృద్ధుడి అసభ్య ప్రవర్తన
చిన్నారిపై వృద్ధుడు అసభ్యంగా ప్రవర్తన ఘటన బయ్యారం(M)లో జరిగింది. పోలీసుల వివరాలు.. గ్రామానికి చెందిన వృద్ధుడు చెన్నయ్య ఇంటి సమీపంలోని చిన్నారితో అసభ్యకరంగా ప్రవర్తించడంతో స్థానికులు మందలించారు. ఈ క్రమంలో ఆదివారం చిన్నారి ఇంట్లో ఒంటరిగా ఉండటంతో మద్యం మత్తులో వికృతచేష్టలకు పాల్పడ్డాడు. ఈ విషయాన్ని చిన్నారి తల్లిదండ్రులకు తెలపడంతో పోలీసులకు ఫిర్యాదు చేయడంతో పోక్సో కేసు నమోదైంది.
Similar News
News November 14, 2025
నియోజకవర్గానికో ‘యంగ్ ఇండియా స్కూల్’: Dy.CM
దేశ తొలి ప్రధాని జవహర్‌లాల్ నెహ్రూ ఆశయ సాధనకు తమ ప్రభుత్వం కట్టుబడి ఉందని Dy.CM భట్టి విక్రమార్క స్పష్టం చేశారు. విజ్ఞాన దర్శిని నిర్వహించిన సైంటిఫిక్ టెంపరమెంట్ సెలబ్రేషన్స్‌లో ఆయన పాల్గొన్నారు. నెహ్రూ హయాంలోనే ఐఐటీల స్థాపన, సైన్స్ అభివృద్ధి జరిగిందని కొనియాడారు. రాష్ట్రంలో వైజ్ఞానిక రంగాభివృద్ధికి ప్రతి నియోజకవర్గంలో యంగ్ ఇండియా స్కూల్స్‌ను స్థాపించడంతో పాటు, IITలను అప్‌గ్రేడ్ చేస్తున్నామన్నారు.
News November 14, 2025
రాహుల్, కేటీఆర్ ఐరన్ లెగ్స్: బండి
TG: బిహార్ ఎన్నికల తరువాత కాంగ్రెస్ పని ఖతమైందని, రాహుల్ గాంధీ ఇక పబ్జీ గేమ్‌కే పరిమితమవుతారని మంత్రి బండి సంజయ్ విమర్శించారు. KTR వర్కింగ్ ప్రెసిడెంట్ అయినప్పటి నుంచి BRS పతనం కొనసాగుతూనే ఉందన్నారు. దేశంలో రాహుల్, TGలో కేటీఆర్ ఐరన్ లెగ్స్ అని బండి ఎద్దేవా చేశారు. దేశం మొత్తం పోటీ చేస్తామని TRSను BRSగా మార్చిన కేసీఆర్ పత్తా లేకుండా పోయారని, చివరకు ఆ పార్టీ ఉప ప్రాంతీయ పార్టీగా మారిందన్నారు.
News November 14, 2025
HNK: మెరుగైన సేవలు అందించాలి: DMHO
ఆరోగ్య సమస్యలతో ప్రాథమిక కేంద్రాలకు వచ్చే ప్రజలకు ఓపికతో వారి సమస్యలను విని అవసరమైన సేవలు అందించాలని DMHO అప్పయ్య అన్నారు. ఎల్కతుర్తి ప్రాథమిక ఆరోగ్య కేంద్రాన్ని ఆకస్మికంగా సందర్శించారు. ఈ సందర్భంగా అవుట్ పేషెంట్ రిజిస్టర్‌ని పరిశీలించి ఎంతమంది ఏ విధమైన సమస్యలతో వస్తున్నారని వైద్యాధికారిని అడిగి తెలుసుకున్నారు. ప్రజలకు ఎలాంటి ఇబ్బందులు లేకుండా మెరుగైన వైద్య సేవలు అందించాలని సూచించారు.