News February 6, 2025
‘RC16’ సెట్‌లో క్లీంకారా సందడి
రామ్ చరణ్, బుచ్చిబాబు సానా కాంబినేషన్‌లో ‘RC16’ అనే వర్కింగ్ టైటిల్‌తో ఓ మూవీ తెరకెక్కుతోంది. హైదరాబాద్ శివార్లలో ఈ సినిమా షూటింగ్ జరుగుతోంది. ఈ సెట్‌లో చరణ్ కుమార్తె క్లీంకార సందడి చేశారు. చెర్రీ ఆమెను ఎత్తుకుని ఉన్న ఫొటో సోషల్ మీడియాలో వైరల్‌గా మారింది. కాగా ఈ మూవీలో జాన్వీ కపూర్ హీరోయిన్‌గా నటిస్తున్నారు. శివరాజ్ కుమార్, జగపతిబాబు కీలక పాత్రలు పోషిస్తున్నారు. AR రెహమాన్ మ్యూజిక్ అందిస్తున్నారు.
Similar News
News February 6, 2025
పవన్‌కు స్పాండిలైటిస్.. ఇది ఎలా వస్తుంది?
<<15370291>>ఏపీ Dy.CM పవన్ కళ్యాణ్<<>> స్పాండిలైటిస్‌తో బాధపడుతున్నారు. జీవనవిధానంలో మార్పులు, మెడ దగ్గర దెబ్బ తగలడం, ఎక్కువసేపు కూర్చోవడం వల్ల స్పాండిలైటిస్ వస్తుంది. దీనివల్ల మెడ, వెన్నెముక వద్ద తీవ్రమైన నొప్పి ఉంటుంది. తూలి పడిపోతున్నామనే భావన కలుగుతుంది. వాంతులు రావడం, వికారం వంటి లక్షణాలు ఉంటాయి. మెడ, భుజాలు, చేతులకు తిమ్మిర్లు, నిద్రలేమి సమస్య ఏర్పడతాయి. వ్యాధి ముదిరితే కండరాలు కృశించి పోయే అవకాశం ఉంది.
News February 6, 2025
స్పాండిలైటిస్ నివారణ మార్గాలివే
✒ డాక్టర్ల సూచన మేరకు వ్యాయామాలు చేయాలి. ఔషధాలు తీసుకోవాలి. జీవన విధానాన్ని మార్చుకోవాలి.
✒ కూర్చునే, పడుకునే విషయంలో జాగ్రత్తలు తీసుకోవాలి.
✒ ఆహారంలో క్యాల్షియం, ప్రొటీన్‌, విటమిన్లు పుష్కలంగా ఉండాలి.
✒ ఒమేగా-3 సప్లిమెంట్లు ఉండే అవిసె గింజలు, వాల్‌నట్స్‌, చేపలు, తాజా పండ్లు, కూరగాయాలు, పాలు, చీజ్, సోయా, మీల్‌మేకర్ తినాలి.
✒ మద్యపానానికి దూరంగా ఉండాలి.
News February 6, 2025
ఉద్యోగులకు పీఆర్సీ ఎప్పుడు?: బొప్పరాజు
AP: కూటమి ప్రభుత్వం వచ్చి 7 నెలలైనా ఉద్యోగుల సమస్యలపై చర్చించలేదని ఏపీ జేఏసీ అమరావతి ఛైర్మన్ బొప్పరాజు వెంకటేశ్వర్లు ఆవేదన వ్యక్తం చేశారు. 12వ పీఆర్సీకి ఛైర్మన్‌ను నియమించలేదని దుయ్యబట్టారు. ఉద్యోగులు మధ్యంతర భృతి(IR) కోరతారనే నియామకాన్ని ఆలస్యం చేస్తున్నట్లు చర్చ జరుగుతోందన్నారు. తమకు రావాల్సిన బకాయిలపై క్లారిటీ ఇవ్వాలని, క్యాబినెట్ సబ్ కమిటీని నియమించాలని డిమాండ్ చేశారు.