News February 6, 2025
పాడేరు-భద్రాచలం బస్ సర్వీస్ పునఃప్రారంభం
నేటి నుంచి అల్లూరి సీతారామరాజు జిల్లా కేంద్రమైన పాడేరు నుంచి భద్రాచలం బస్ పునఃప్రారంభిస్తున్నట్లు ఆర్టీసీ అధికారులు తెలిపారు. పాడేరులో ఉదయం 7:30కు బయలుదేరి చింతూరు, కూనవరం మీదగా భద్రాచలం సాయంత్రం 5గంటలకు చేరుకుంటుందన్నారు. ఇదే సర్వీస్ భద్రాచలంలో రాత్రి 8:30 గంటలకు బయలుదేరి కూనవరం 9:30కి చేరుకుని చింతూరు మీదగా పాడేరు మరుసటి రోజు ఉదయం 6 గంటలకు వెళుతుందన్నారు. ప్రయాణికులు సద్వినియోగం చేసుకోవాలన్నారు.
Similar News
News November 10, 2025
గుర్తింపు కార్డు ఉంటేనే విశ్వవిద్యాలయంలోకి అనుమతి
AUలో భద్రతతో పాటు అనధికారిక వ్యక్తులను నియంత్రణలో భాగంగా పటిష్ట చర్యలు చేపట్టింది. విద్యార్థులు, పరిశోధకులు, ఉద్యోగులు, బోధనేతర సిబ్బంది, బోధనా సిబ్బంది తప్పనిసరిగా తమ గుర్తింపు కార్డులను విశ్వవిద్యాలయ ప్రాంగణంలో విధులు నిర్వహించే సమయంలో ధరించాలని రిజిస్ట్రార్ ఆచార్య కె.రాంబాబు తెలిపారు. గుర్తింపు కార్డులు ధరించని విద్యార్థులు, పరిశోధకులు, ఉద్యోగులను, విశ్వవిద్యాలయ ప్రాంగణంలోకి అనుమతించబోమన్నారు.
News November 10, 2025
19న మహిళలకు చీరల పంపిణీ
TG: మాజీ ప్రధాని ఇందిరా గాంధీ జయంతి సందర్భంగా ఈ నెల 19న 65 లక్షల మంది మహిళా సంఘాల సభ్యులకు చీరల పంపిణీకి రంగం సిద్ధమైంది. ఇప్పటికే 4.10 కోట్ల మీటర్ల సేకరణ జరిగిందని, వారంలో ఉత్పత్తి పూర్తవుతుందని అధికారులు తెలిపారు. గతంలో బతుకమ్మ చీర ఖరీదు రూ.350 ఉండగా, ఇందిరా మహిళా శక్తి చీరకు రూ.480గా నిర్ణయించినట్లు పేర్కొన్నారు. కాగా భారీగా చీరల ఆర్డర్లతో చేనేత సంఘాలకు చేతి నిండా పనిదొరికినట్లయ్యింది.
News November 10, 2025
వేర్వేరు ప్రాంతాల్లో ముగ్గురు సూసైడ్
వేర్వేరు ప్రాంతాల్లో ముగ్గురు బలవన్మరణాలకు పాల్పడ్డారు. మద్యం మానుకోవడంలేదని పెనుకొండ(M) గుట్టూరులో బిహార్‌కు చెందిన PK రాయ్ భార్య అంజలికుమారి ఉరేసుకుంది. భర్త కియాలో పనిచేస్తాడు. ధర్మవరంలో భవన నిర్మాణ కూలీ శివ(36) మద్యానికి డబ్బులు ఖర్చు చేస్తున్నాడని భార్య నవనీత ప్రశ్నించడంతో ఉరేసుకున్నాడు. మకడశిర(M) మణూరుకు చెందిన మతిస్థిమితం లేని కదురప్ప(46) చెట్టుకు ఉరేసుకున్న ఘటన ఆలస్యంగా వెలుగు చూసింది.