News March 19, 2024
సెల్యూట్.. చనిపోతూ ముగ్గురిని కాపాడాడు
కొన ఊపిరితో కొట్టుమిట్టాడుతున్న సమయంలో అవయవాలు దొరక్క ఎంతోమంది తమ ప్రాణాలు కోల్పోతున్నారు. అవయవదానంపై ఎంత అవగాహన కల్పించినా ప్రజలు ముందుకు రావడం లేదు. అయితే, తాజాగా తెలంగాణకు చెందిన ప్రభాస్ అనే 19 ఏళ్ల యువకుడు తాను చనిపోతూ ఇతరులకు ప్రాణదానం చేశారు. ప్రభాస్ చనిపోవడంతో అతడి 2 కిడ్నీలు, లివర్‌ను కుటుంబీకులు దానం చేసి మరో ముగ్గురిని కాపాడారు. ఈ విషయాన్ని ‘జీవన్‌దాన్ తెలంగాణ’ ట్వీట్ చేసింది.
Similar News
News April 3, 2025
ఇండోనేషియాలో భూకంపం
ఆగ్నేయాసియా దేశాలను వరుస భూకంపాలు వణికిస్తున్నాయి. తాజాగా ఇండోనేషియాలో రిక్టర్ స్కేలుపై 6 తీవ్రతతో భూకంపం సంభవించింది. నార్త్ హల్మహేరకు 121 కి.మీ. దూరంలో సముద్రంలో 42 కి.మీ లోతున భూకంప కేంద్రాన్ని గుర్తించారు. దీంతో ఇండోనేషియాలోని తూర్పు ప్రాంతాలు వణికిపోయాయి. 30 నిమిషాల తర్వాత 4.9 తీవ్రతతో మరో భూకంపం వచ్చింది. ఎలాంటి ప్రాణనష్టం సంభవించలేదని, సునామీ హెచ్చరికలు లేవని అధికారులు తెలిపారు.
News April 3, 2025
పురుషులకూ సంతానోత్పత్తి నిరోధక మాత్రలు!
USA సైంటిస్టులు విప్లవాత్మక ఆవిష్కరణ చేశారు.
ఇంతకాలం స్త్రీలకే గర్భ నిరోధక మాత్రలుండగా, ఇప్పుడు పురుషులకూ సంతానోత్పత్తి నిరోధకాలు అభివృద్ధి చేశారు. ‘YCT-529’ పేరు గల ఈ మెడిసిన్ ప్రత్యుత్పత్తికి దోహదపడే టెస్టోస్టిరాన్ హార్మోన్లను నియంత్రిస్తుంది. ఎలుకలు, కొన్ని క్షీరదాలపై దీన్ని ప్రయోగించగా వాటి స్పెర్మ్ కౌంట్ తగ్గి సానుకూల ఫలితాలు వచ్చాయట. మెడిసిన్ వాడకం ఆపిన 6 వారాలకు తిరిగి సామర్థ్యం పొందాయి.
News April 3, 2025
ముగిసిన క్యాబినెట్ భేటీ.. కీలక అంశాలకు ఆమోదం
AP: సీఎం చంద్రబాబు అధ్యక్షతన జరిగిన క్యాబినెట్ భేటీ ముగిసింది. పలు కీలక అంశాలకు ఆమోదం తెలిపింది.
* ప్రత్యేక వాహక ప్రాజెక్టుగా పోలవరం-బనకచర్ల
* ఫైబర్ నెట్ లిమిటెడ్ నుంచి డ్రోన్ కార్పొరేషన్‌ను విడదీసి స్వతంత్ర సంస్థ ఏర్పాటు
* అనకాపల్లి డీఎల్‌పురంలో ఆర్సెల్లార్ మిట్టల్ స్టీల్ కంపెనీకి షరతులపై క్యాపిటల్ పోర్టు అప్పగింత
* త్రీస్టార్, ఆ పైబడిన హోటళ్ల బార్ లైసెన్స్ ఫీజులు రూ.25 లక్షలకు తగ్గింపు