News February 7, 2025
సమ్మక్క-సారలమ్మ గద్దెలపై హుండీలు ఏర్పాటు
మేడారం చిన్న జాతర ఈనెల 12 నుంచి 15 వరకు జరగనుంది. ఈ సందర్భంగా గురువారం సమ్మక్క-సారలమ్మ ఆలయాల్లో ఎండోమెంట్ అధికారులు హుండీలను ఏర్పాటు చేశారు. సమ్మక్క గద్దెపై 14 హుండీలు, సారలమ్మ గద్దెపై 14 హుండీలు, పగిడిద్దరాజు గద్దెపై 2 హుండీలు, గోవిందరాజుల గద్దెపై 2 హుండీలు మొత్తం 32 హుండీలను ఏర్పాటు చేశారు. ఈవో రాజేంద్రం, సూపరింటెండెంట్ క్రాంతి, పరకాల డివిజన్ ఇన్స్పెక్టర్ కవిత, అర్చకులు పాల్గొన్నారు.
Similar News
News March 16, 2026
ఆస్కార్ అవార్డులు అందేదెవరికో!
మరికాసేపట్లో 98వ ఆస్కార్ అవార్డుల ప్రదానోత్సవం ప్రారంభం కానుంది. ప్రపంచవ్యాప్తంగా ఎన్నో చిత్రాలు తమ అదృష్టాన్ని పరీక్షించుకుంటున్నాయి. సిన్నర్స్ మూవీ 16 నామినేషన్లతో టాప్లో ఉంది. లియోనార్డో డికాప్రియో నటించిన వన్ బ్యాటిల్ ఆఫ్టర్ అనదర్-13, సెంటిమెంటల్ వాల్యూ-9, ఫ్రాంకెన్స్టైన్-9, హామ్నెట్-8, ఎఫ్1-4 నామినేషన్లు సాధించాయి. తె.4.30 నుంచి హాట్స్టార్ OTTలో, స్టార్ మూవీస్ ఛానల్లో LIVE చూడొచ్చు.
News March 16, 2026
HYD: పెళ్లి రోజు సంబరం.. అంతలోనే దంపతుల దుర్మరణం
పెళ్లి రోజును శనివారం కుమారుడితో కలిసి ఆనందంగా జరుపుకున్న ఆ దంపతులు.. ఆదివారం ఆ కొడుకు కళ్లముందు విగతజీవులుగా మారిన హృదయ విదారక ఘటన మేడిపల్లి PS పరిధిలో జరిగింది. ఒకరి నిర్లక్ష్యపు డ్రైవింగ్ ఆ కుటుంబాన్ని ఛిన్నాభిన్నం చేసింది. అతివేగంగా వచ్చిన కారు బైక్ను ఢీకొట్టి ఈడ్చుకెళ్లింది. ఈ ప్రమాదంలో ప్రశాంత్, శ్రావణి మృతి చెందారు. కొడుకు సహస్రార్ గాయాలతో బతికి అనాథయ్యాడు.
#BewareWhileDriving
News March 16, 2026
నిజామాబాద్: తస్మాత్ జాగ్రత్త : సీపీ
ప్రస్తుత కాలంలో డిజిటల్ లావాదేవీలు ఎంత పెరిగాయో అదే స్థాయిలో సైబర్ నేరాలు కూడా పెరిగిపోతున్నాయి. ముఖ్యంగా ఇటీవల కాలంలో ‘ఫేక్ పార్సిల్’, ‘కొరియర్ స్కామ్స్’ ద్వారా అమాయకులను నిలువునా దోచుకుంటున్నారని సీపీ సాయిచైతన్న అన్నారు. ఈ నేపథ్యంలో ప్రజలు అప్రమత్తంగా ఉండాలని సీపీ సూచించారు. తక్షణ సహాయం కోసం ప్రభుత్వం కేటాయించిన హెల్ప్లైన్ నంబర్ 1930కు కాల్ చేయాలన్నారు.