News February 8, 2025
ముగ్గురు పిల్లల్ని కనండి.. హిందువులకు VHP పిలుపు
ప్రస్తుత జనన రేటు(1.9 శాతం) ప్రకారం హిందూ జనాభా తగ్గుతూనే ఉంటుందని VHP జనరల్ సెక్రటరీ సురేంద్ర జైన్ చెప్పారు. జనాభా అసమతుల్యతను అధిగమించేందుకు ప్రతి హిందూ జంట ఇద్దరు/ముగ్గురు పిల్లల్ని కనాలని పిలుపునిచ్చారు. ఈ మేరకు ప్రతిజ్ఞ చేయాలన్నారు. కుటుంబాలు విడిపోవడం పిల్లలు, యువతలో అభద్రతకు కారణమవుతోందని తెలిపారు. హిందూ సంప్రదాయాలు పాటించడమే ఈ సమస్యకు పరిష్కారమన్నారు.
Similar News
News November 14, 2025
జూబ్లీ బలం: ఈ నెలలోనే స్థానిక ఎన్నికల నోటిఫికేషన్..?
TG: జూబ్లీహిల్స్ ఉపఎన్నిక విజయం కాంగ్రెస్‌కు, ప్రభుత్వానికి ఊపు ఇచ్చింది. దీంతో లోకల్ బాడీ ఎన్నికలకు GOVT సిద్ధమవుతున్నట్లు తెలుస్తోంది. 42% BC రిజర్వేషన్లకు లీగల్ సమస్యలుండడంతో మొత్తం 50% లోపే అవి ఉండేలా అధికారులు మరో నివేదికను ఇప్పటికే రెడీ చేశారు. దీనిపై BCల నుంచి వ్యతిరేకత రాకుండా ఆ నేతలకు వివరించాలని మంత్రులకు CM సూచించినట్లు సమాచారం. ఎన్నికల నోటిఫికేషన్ నెలాఖరులో రావచ్చని భావిస్తున్నారు.
News November 14, 2025
10 ఉపఎన్నికలు వస్తే ఏం చేస్తారో చూద్దాం: KTR
TG: ప్రధాన ప్రతిపక్షంగా ప్రజల తరఫున ఎక్కడా తగ్గకుండా పోరాటం కొనసాగిస్తామని BRS వర్కింగ్ ప్రెసిడెంట్ KTR అన్నారు. ‘ప.బెంగాల్‌లో BJP నుంచి TMCలో చేరిన MLAపై హైకోర్టు అనర్హత వేటు వేసింది. అక్కడ జరిగిందే ఇక్కడా జరుగుతుందని ఆశిస్తున్నాం. దేశమంతా ఒకటే రూల్ కదా. ఒక్క ఉపఎన్నికకే కాంగ్రెస్ నేతలు ఆపసోపాలు పడ్డారు. 10 ఉపఎన్నికలు వస్తే వాళ్లకు ముచ్చెమటలు పడతాయేమో. ఏం చేస్తారో చూద్దాం’ అని వ్యాఖ్యానించారు.
News November 14, 2025
3వ స్థానంతో మ్యూజికల్ చైర్ మంచిది కాదు: ఆకాశ్ చోప్రా
బ్యాటింగ్ లైనప్‌లో 3వ స్థానంతో మ్యూజికల్ చైర్ ఆడటం మంచిది కాదని టీమిండియా మాజీ క్రికెటర్ ఆకాశ్ చోప్రా అభిప్రాయపడ్డారు. ‘క్రీడాకారులను రెడీ చేయడంలో తప్పు లేదు. ఇంతకుముందు కరుణ్‌నాయర్, ఇప్పుడు వాషింగ్టన్ సుందర్ తర్వాత అభిమన్యు ఈశ్వరన్‌ను ఆడిస్తారా? విపరీతమైన ప్రయోగాలు చేయడం సరైనది కాదు’ అని పేర్కొన్నారు. రాహుల్ ద్రవిడ్, కోహ్లీ, పుజారా తర్వాత 3వ స్థానంలో సరైన బ్యాటర్‌ను టీమిండియా కనుక్కోలేదు.