News February 9, 2025
ఉప్పల్ MLA ఇంట్లో విషాదం
ఉప్పల్ MLA బండారి లక్ష్మారెడ్డి ఇంట్లో విషాదం నెలకొంది. ఆయన సోదరుడు బండారి వెంకట్ రెడ్డి సతీమణి పద్మ సాయంత్రం కన్నుమూశారు. రేపు కీసర మండలం చీర్యాల వ్యవసాయ క్షేత్రంలో అంత్యక్రియలు నిర్వహించనున్నట్లు కుటుంబీకులు తెలిపారు. ఉదయం 11 గంటలకు అంతిమయాత్ర సైనిక్‌పురి నుంచి మొదలవనుంది. ఫిబ్రవరి 15న MLA లక్ష్మారెడ్డి కూతురు వివాహం ఉండడం, ఇంతలోనే ఆయన వదిన మృతి చెందడంతో ఆ ఇంట్లో తీవ్ర విషాదం నెలకొంది.
Similar News
News February 11, 2025
HYD: వేధింపులు.. ఈ నంబర్లు మీ కోసమే!
రాజధానిలోని మూడు కమిషనరేట్‌ల పరిధిలో మహిళలు ఎలాంటి లైంగిక వేధింపులకు గురైనా.. తమకు ఫిర్యాదు చేయాలని పోలీసులు సూచిస్తున్నారు. HYD-9490616555 , 8712662111, సైబరాబాద్-9490617444, తెలంగాణ మహిళా భద్రత విభాగం వాట్సాప్ 8712656856 ద్వారా సమాచారం తెలియచేస్తే కొద్ది క్షణాల్లోనే చర్యలు చేపడతామని తాజాగా పోలీసులు మహిళలకు భరోసా ఇస్తున్నారు.
News February 10, 2025
HYD: సచివాలయంలో నేడు సీఎం సమీక్ష
సచివాలయంలో నేడు సీఎం రేవంత్‌ రెడ్డి సమీక్షా సమావేశం నిర్వహించనున్నారు. సచివాలయంలోని తన పరిధిలోని శాఖలపై సీఎం సమీక్షించి, ఆయా శాఖల పనితీరు, పని స్వభావం గురించి అధికారులతో చర్చించనున్నారు. తన పరిధిలో ఉన్న ఉద్యోగులకు కీలక ఆదేశాలు ఇచ్చే అవకాశం ఉందని సచివాలయ వర్గాల సమాచారం.
News February 10, 2025
HYD: అలా చేస్తే.. మీ భరతం పడతాం: హైడ్రా
HYD నగరం సహా, ORR వరకు అనుమతులు లేకుండా రోడ్లపై, రోడ్లకు ఇరుపక్కలా ప్రకటన బోర్డులు ఏర్పాటు చేస్తే మీ భరతం పడతామని హైడ్రా హెచ్చరించింది. ఇటీవల శంషాబాద్‌లో భారీ హోర్డింగ్ తొలగించినట్లు ఉదహరించింది. ఎక్కడైనా ప్రమాదకరమైన హోర్డింగులు ఉంటే తమ దృష్టికి తేవాలని హైడ్రా కోరింది. ఎక్కడికక్కడ కఠిన చర్యలు అమలు చేస్తామని ప్రజలకు హామీ ఇచ్చింది.