News February 10, 2025
గాజువాకలో ఇలా మోసం.. జాగ్రత్త
షార్జాలో వెల్డర్ ఉద్యోగాలంటూ గాజువాకలో ఓ ఏజెన్సీ యాడ్ ఇచ్చింది. ఉత్తరాంధ్రకు చెందిన కొందరు రూ.3లక్షలు చెల్లించారు. వారికి గాజువాక ఆటోనగర్లో వెల్డింగ్ ట్రైనింగ్ ఇచ్చి విజిట్ వీసాపై షార్జా పంపారు. అక్కడ ఏజెంట్ పాస్పోర్ట్ లాగేసుకుని వీరికి ఎగ్జాం పెట్టి ఫెయిలయ్యారని హెల్పర్ ఉద్యోగాలు ఇస్తానన్నాడు. ఆ జాబ్ నచ్చని వాళ్లు ఇండియా పంపాలని కోరగా ఏజెంట్ స్పందించలేదు. చివరకు విశాఖ CPసాయంతో తిరిగొచ్చారు.
Similar News
News March 5, 2026
నిర్మల్: రేపు ఇన్ఛార్జ్ మంత్రి వీడియో కాన్ఫరెన్స్
నిర్మల్, మంచిర్యాల, ఆసిఫాబాద్ జిల్లాల కలెక్టర్లతో రేపు ఉదయం 11 గంటలకు మంత్రి జూపల్లి కృష్ణారావు వీడియో కాన్ఫరెన్స్ నిర్వహించనున్నారు. ‘ప్రజా పాలన – ప్రగతి ప్రణాళిక’ 99 రోజుల యాక్షన్ ప్లాన్పై ఆయన దిశానిర్దేశం చేయనున్నారు. అనంతరం ఇందిరమ్మ ఇళ్ల ప్రొసీడింగ్స్ పత్రాలను లబ్ధిదారులకు పంపిణీ చేయనున్నారు. ఈ సమీక్షా సమావేశంలో ఆయా జిల్లాల ప్రజాప్రతినిధులు, అధికారులు ఐడీఓసీల నుంచి పాల్గొంటారు.
News March 5, 2026
సరైన సమయంలో పెళ్లిళ్లు జరగాలి: సీఎం
AP: డబ్బులు ఉన్న వారు ఎందుకు తక్కువ మంది పిల్లలను కంటున్నారని సీఎం చంద్రబాబు అసెంబ్లీలో ప్రశ్నించారు. ‘ఇప్పటికీ పేదవారే ఎక్కువ మంది పిల్లలను కంటున్నారు. అందుకే తల్లికి వందనం పథకం అందరికీ ఇచ్చాం. సరైన సమయంలో పెళ్లిళ్లు జరగాలి. ఈ రోజుల్లో విడాకులు కూడా ఎక్కువ అయిపోయాయి. భార్యాభర్తలకు సహనం లేకుండా పోయింది. సామాజిక సమస్యలపై మనం మాట్లాడితేనే ప్రజల్లో అవగాహన పెరుగుతుంది’ అని తెలిపారు.
News March 5, 2026
కామారెడ్డి: స్పోర్ట్స్ స్కూల్ రిజిస్ట్రేషన్ గడువు పొడిగింపు
కామారెడ్డి జిల్లాలోని క్రీడాకారులకు మెరుగైన శిక్షణ అందించే లక్ష్యంతో హకీంపేట్ స్పోర్ట్స్ స్కూల్ ప్రవేశాలకు సంబంధించిన గోడపత్రికను కలెక్టర్ ఆశిష్ సాంగ్వాన్ గురువారం ఆవిష్కరించారు. ఆయన మాట్లాడుతూ.. స్పోర్ట్స్ స్కూల్కు సంబంధించిన ఆన్లైన్ రిజిస్ట్రేషన్ గడువును ఈ నెల 12 వరకు పొడిగించినట్లు ఆయన వెల్లడించారు. అర్హత కలిగిన క్రీడాకారులు ఈ అవకాశాన్ని సద్వినియోగం చేసుకోవాలని ఆయన సూచించారు.