News February 10, 2025
పాలకుర్తి: శ్రీ సోమేశ్వర జాతర వాల్ పోస్టర్లను ఆవిష్కరించిన కలెక్టర్
మహాశివరాత్రి సందర్భంగా ఈనెల 25 నుంచి మార్చి1 వరకు పాలకుర్తిలోని శ్రీ సోమేశ్వర లక్ష్మీనరసింహస్వామి జాతర నిర్వహించనున్నారు. దీనికి సంబంధించి కలెక్టర్ రిజ్వాన్ బాషా షేక్ అదనపు కలెక్టర్ రోహిత్ సింగ్‌తో కలిసి సమీక్ష సమావేశం నిర్వహించారు. అనంతరం జాతరకు సంబంధించి వాల్‌పోస్టర్లను కలెక్టర్ ఆవిష్కరించారు. ఈ కార్యక్రమంలో డీసీపీ రాజమహేంద్ర నాయక్, ఆలయ అధికారులు, అధికారులు తదితరులు పాల్గొన్నారు.
Similar News
News February 11, 2025
కడప జిల్లాలో విషాదం.. తల్లి, కొడుకు మృతి
కడప జిల్లా బి.కోడూరు మండలం గుంతపల్లిలో మంగళవారం తీవ్ర విషాదం చోటు చేసుకుంది. విద్యుత్ షాక్‌తో తల్లి, కుమారుడు మృతి చెందారు. తల్లి గురమ్మ, కుమారుడు జయసుబ్బారెడ్డి పొలానికి నీళ్లు పెడుతుండగా విద్యుత్ తీగలు తగిలి అక్కడికక్కడే మృతి చెందారు. విషయం తెలుసుకున్న బి.కోడూరు ఎస్ఐ రాజు ఘటనా స్థలానికి చేరుకొని దర్యాప్తు చేపట్టారు. పూర్తి వివరాలు తెలియాల్సి ఉంది.
News February 11, 2025
వరంగల్ మార్కెట్లో పెరిగిన మిర్చి ధరలు
వరంగల్ ఎనుమాముల వ్యవసాయ మార్కెట్లో సోమవారంతో పోలిస్తే ఈరోజు తేజ మిర్చి ధర తగ్గగా మిగతా మిర్చి ధరలు పెరిగాయి. నిన్న క్వింటా తేజ మిర్చి ధర రూ.13,400 పలకగా.. నేడు రూ.13,200 పలికింది. అలాగే 341 మిర్చికి నిన్న రూ.13,100 ధర రాగా.. నేడు రూ.13,350 ధర వచ్చింది. మరోవైపు వండర్ హాట్(WH) మిర్చికి నిన్న రూ.14,100 ధర రాగా.. ఈరోజు రూ.14,200కి చేరింది.
News February 11, 2025
NRPT జిల్లాలో అత్యధిక, అత్యల్ప ఎంపీటీసీ సీట్లు ఎక్కడో తెలుసా..?
నారాయణపేట జిల్లాలో ఎంపీటీసీల వివరాలు ఇలా ఉన్నాయి. అత్యధికంగా నారాయణపేట మండలంలో 17, ఉట్కూర్, దామరగిద్దలో 16, మక్తల్ 15, మరికల్, ధన్వాడలో 11, మద్దూర్ 10, నర్వ 9, మాగనూర్, కృష్ణ లో 7, గుండుమల్, కోస్గి లో 6, కొత్తపల్లి 5 ఎంపీటీసీ సీట్లు ఉన్నాయి. నారాయణపేట జిల్లాలో మొత్తం 136 ఎంపీటీసీ స్థానాలకు, 13 జడ్పీటీసీ స్థానాలకు త్వరలోనే ఎన్నికలు జరగనున్నాయి. ఆశావహుల సంఖ్య అన్ని పార్టీల్లో ఎక్కువగా ఉంది.