News February 11, 2025
ASF:జాతీయస్థాయి పోటీలకు గురుకుల విద్యార్థి
ఆసిఫాబాద్ జిల్లా కేంద్రంలోని సాంఘిక సంక్షేమ గురుకుల బాలుర పాఠశాలలో చదువుతున్న జాడి శ్రావణ్ జాతీయస్థాయి SGFఅండర్ 14సాఫ్ట్బాల్ పోటీలకు ఎంపికైనట్లు ప్రిన్సిపల్ యాదగిరి తెలిపారు. మెదక్ జిల్లాలో జరిగిన రాష్ట్రస్థాయి పోటీల్లో ప్రతిభ కనబరిచి జాతీయస్థాయికి ఎంపికైనట్లు పేర్కొన్నారు. క్రీడాకారుడిని ప్రిన్సిపల్, వైస్ ప్రిన్సిపల్ అబ్దుల్ రహీం, PD యాదగిరి, PETప్రసాద్ అభినందించారు.
Similar News
News March 16, 2026
కృష్ణా: పాలక వర్గం లేకపోవడమే.. అక్కడ శాపం
చారిత్రక నేపథ్యం ఉన్న యనమలకుదురు రామలింగేశ్వర స్వామి ఆలయానికి పాలకవర్గం లేకపోవడం చర్చనీయాంశంగా మారింది. ఒకే వ్యక్తి ఆధిపత్యం కోసం కమిటీ ఏర్పాటును అడ్డుకుంటున్నారని, దీనిపై ఎమ్మెల్యే కూడా మౌనం వహిస్తున్నారని స్థానికులు ఆరోపిస్తున్నారు. ఇటీవల ఆలయంలో రూ. 10 లక్షల మాయంపై కేసు నమోదైనా, పోలీసులకు ఆధారాలు ఇవ్వకుండా దర్యాప్తును పక్కదారి పట్టిస్తున్నారనే విమర్శలు వెల్లువెత్తుతున్నాయి.
News March 16, 2026
జగ్గయ్యపేటలో TDP, జనసేన మధ్య కోల్డ్ వార్!
జగ్గయ్యపేట నియోజకవర్గంలో TDP, జనసేన నేతల మధ్య విభేదాలు భగ్గుమంటున్నాయి. పదవులు, పనుల పంపిణీలో తమకు ప్రాధాన్యం దక్కడం లేదని జనసేన శ్రేణులు ఆవేదన వ్యక్తం చేస్తున్నాయి. జనసేనను చూసి TDPకి భయం పట్టుకుందని జనసేన జిల్లా అధ్యక్షుడు సామినేని ఉదయభాను చేసిన వ్యాఖ్యలు రాజకీయ దుమారం రేపుతున్నాయి. ఆలయ ట్రస్ట్ పదవుల కేటాయింపు, ప్రొటోకాల్ విషయంలో జరుగుతున్న నిర్లక్ష్యమే ఈ ఘర్షణకు కారణమని తెలుస్తోంది.
News March 16, 2026
LPG బదులు పైప్డ్ గ్యాస్, ఇండక్షన్ స్టవ్లు: CBN
AP: గ్యాస్ సిలిండర్లు బ్లాక్ మార్కెట్కు పోకుండా చూడాలని CBN కంపెనీల అధికారులను ఆదేశించారు. స్కూళ్లు, ఆస్పత్రులు, గుడులకు గ్యాస్ సరఫరా ఆగకుండా చూడాలన్నారు. ప్రజల్లో ఆందోళన లేకుండా చర్యలు తీసుకోవాలని చెప్పారు. LPG బదులు పైప్డ్ గ్యాస్, ఇండక్షన్ స్టవ్స్ వినియోగించేలా చేయాలన్నారు. LPG వాడకం తగ్గించేలా హోటళ్లతో చర్చించాలని సూచించారు. రాష్ట్రంలో 17,209MT స్టాక్ ఉందని CMకు అధికారులు తెలిపారు.