News February 12, 2025
పబ్లిక్‌లో పొట్టి దుస్తులు ధరించడం నేరం కాదు: ఢిల్లీ కోర్టు
బార్‌లో అశ్లీల నృత్యం చేశారనే ఆరోపణలు ఎదుర్కొంటున్న ఏడుగురు మహిళలను ఢిల్లీ కోర్టు నిర్దోషులుగా ప్రకటించింది. బహిరంగంగా పొట్టి దుస్తులు ధరించడం నేరం కాదంది. వారి డాన్స్ ప్రజలకు చిరాకు కలిగిస్తేనే చర్యలు తీసుకుంటామని స్పష్టం చేసింది. పొట్టి దుస్తులు ధరించి అశ్లీల డాన్స్ చేశారంటూ గత ఏడాది పోలీసులు కేసు నమోదు చేశారు. అయితే దీనివల్ల ఇబ్బందిపడిన సాక్షులను ప్రవేశపెట్టడంలో విఫలమయ్యారని కోర్టు పేర్కొంది.
Similar News
News February 12, 2025
ఇజ్రాయెల్ vs హమాస్.. మళ్లీ యుద్ధం తప్పదా?
ఇజ్రాయెల్-హమాస్ మధ్య మరోసారి ఉద్రిక్త పరిస్థితులు నెలకొన్నాయి. ఈ శనివారం మధ్యాహ్నం లోపు తమ దేశ బందీలను విడిచిపెట్టకపోతే గాజాపై సైనిక చర్యకు దిగుతామని, సీజ్‌ఫైర్ డీల్ ముగుస్తుందని నెతన్యాహు వార్నింగ్ ఇచ్చారు. హమాస్ అంతు చూసే వరకు నిద్రపోమని హెచ్చరించారు. అమెరికా అధ్యక్షుడు ట్రంప్ సైతం ఇదే మాట చెప్పారు. అయితే ట్రంప్ ఒప్పందాలను గౌరవించాలని, ఆయన హెచ్చరికలను తాము పట్టించుకోమని హమాస్ తేల్చి చెప్పింది.
News February 12, 2025
ఛాంపియన్స్ ట్రోఫీకి AUS టీమ్ ప్రకటన, స్టార్ బౌలర్లు దూరం
ఛాంపియన్స్ ట్రోఫీకి ఆస్ట్రేలియా ఫైనల్ స్క్వాడ్‌ను ప్రకటించింది. వ్యక్తిగత కారణాలతో మిచెల్ స్టార్క్ ఈ టోర్నీకి దూరమయ్యారని తెలిపింది. ఇప్పటికే కమిన్స్, హేజిల్ వుడ్, మార్ష్ గాయాలతో వైదొలిగిన సంగతి తెలిసిందే.
టీమ్: స్మిత్(C), అబాట్, కేరీ, డ్వార్షుయిస్, ఎల్లిస్, మెక్‌గుర్క్, హార్డీ, హెడ్, ఇంగ్లిస్, స్పెన్సర్ జాన్సన్, లబుషేన్, మాక్స్‌వెల్, సంఘ, షార్ట్, జంపా. ట్రావెలింగ్ రిజర్వ్: కూపర్ కొన్నోలీ.
News February 12, 2025
పృథ్వీ సినిమాలన్నీ బాయ్‌కాట్ చేస్తాం.. వైసీపీ హెచ్చరిక
AP: వైసీపీ శ్రేణులను పరుష పదజాలంతో <<15433971>>దూషించిన<<>> నటుడు పృథ్వీపై వైసీపీ అధికార ప్రతినిధి వెంకట రెడ్డి కారుమూరు మండిపడ్డారు. ‘తెలుగు ఇండస్ట్రీ బాగుండాలని చాలా పద్ధతిగా చెబుతున్నాం. కామ కుక్క పృథ్వీకి ఏ సినిమాలో అవకాశం ఇచ్చినా, ఏ సినిమా ఫంక్షన్‌కు అతణ్ని పిలిచినా ఆ సినిమాను బాయ్‌కాట్ చేస్తాం. అలానే ఆ నిర్మాత, ఆ హీరోల అన్ని మూవీలను పద్ధతి ప్రకారం బాయ్‌కాట్ చేస్తాం’ అని హెచ్చరించారు.