News February 15, 2025
పెద్దపల్లి: అధికారులతో అదనపు కలెక్టర్ సమీక్ష
మాదక ద్రవ్యాల నియంత్రణకు చేపట్టాల్సిన చర్యలపై సంబంధిత అధికారులతో పెద్దపల్లి కలెక్టరేట్లో అదనపు కలెక్టర్ వేణు సమీక్షించారు. గంజాయితో పాటు గుడుంబా నివారణకు చర్యలు తీసుకోవాలన్నారు. మత్తు పదార్థాలకు బానిసైన వారికి అవసరమైన చికిత్స, కౌన్సెలింగ్ అందించాలని సూచించారు. గోదావరిఖనిలో 10 పడకల డీఅడిక్షన్ కేంద్రాన్ని ఏర్పాటు చేశామని వెల్లడించారు. ఏసీపీ కృష్ణ, రమేశ్, DAO ఆదిరెడ్డి, తదితరులు పాల్గొన్నారు.
Similar News
News January 17, 2026
నార్వే అమ్మాయి వెడ్స్ వైజాగ్ అబ్బాయి
మన వైజాగ్ కుర్రాడు నార్వే అమ్మాయిని ప్రేమ వివాహం చేసుకుంటున్నాడు. శుక్రవారం వీరి ఎంగేజ్మెంట్ కూడా జరిగింది. NAD కొత్తరోడ్డు ప్రాంతానికి చెందిన సైమన్ గొట్టిపల్లి తొమ్మిదేళ్ల క్రితం నార్వేలో బ్యాంక్ జాబ్ కోసం వెళ్లాడు. అక్కడ లాంగ్వేజ్ నేర్చుకుంటుండగా.. నార్వేజియన్ దేశానికి చెందిన టోరా ఓయిమ్ పరిచయమయింది. పరిచయం కాస్త ప్రేమగా మారడంతో ఇరువురు తమ కుటుంబ సభ్యులకు చెప్పి వివాహానికి ఒప్పించారు.
News January 17, 2026
కోనసీమ: కొత్తలంకలో అర్థరాత్రి కారు బీభత్సం
ముమ్మిడివరం మండలం కొత్తలంక గ్రామంలో శుక్రవారం అర్ధరాత్రి మద్యం మత్తులో యువకులు సృష్టించిన బీభత్సం స్థానికులను భయాందోళనకు గురిచేసింది. వేగంగా వచ్చిన కారు విద్యుత్ స్తంభాన్ని బలంగా ఢీకొట్టడంతో స్తంభం విరిగి ముక్కలైంది. ఈ ప్రమాదంలో కారు ముందు భాగం పూర్తిగా ధ్వంసం కాగా, అందులోని ఇద్దరు యువకులు తృటిలో ప్రాణాపాయం నుంచి తప్పించుకున్నారు. విద్యుత్ సరఫరా నిలిచిపోవటంతో ప్రజలు తీవ్ర ఇబ్బందులు పడ్డారు.
News January 17, 2026
మహిళలు నేడు ‘సావిత్రి గౌరీ వ్రతం’ ఆచరిస్తే..?
ముక్కనుమ సందర్భంగా నూతన వధువులు నేడు ‘సావిత్రి గౌరీ వ్రతం’ ఆచరిస్తే దీర్ఘ సుమంగళీ ప్రాప్తం సిద్ధిస్తుందని పండితులు సూచిస్తున్నారు. ‘ఈ వ్రతం చేసిన వివాహితలకు సౌభాగ్యం కలకాలం నిలుస్తుంది. పెళ్లికాని అమ్మాయిలు ఈ పూజలో పాల్గొంటే సద్గుణాల భర్త లభిస్తాడు. ఈ వ్రతం కుటుంబంలో సుఖశాంతులను, ఐశ్వర్యాన్ని ప్రసాదిస్తుంది’ అని చెబుతున్నారు. ఈ వ్రతం ఎలా, ఎప్పుడు చేయాలో తెలుసుకోవడానికి క్లిక్ <<-se_10013>>భక్తి కేటగిరీ<<>>.