News March 21, 2024
ప్రకాశం: అత్యాచార నిందితుడికి పదేళ్ల జైలు
జిల్లాకు చెందిన ఓ యువకుడు హైదరాబాద్లో ఓ మైనర్ బాలికను అత్యాచారానికి పాల్పడిన ఘటనలో అతడికి 10 జైలు శిక్ష పడింది. పోలీసుల వివరాల ప్రకారం.. జరుగుమల్లి మండలం నందనవనానికి చెందిన మిడసాల శివకృష్ణ(32) 2014లో హైదరాబాద్ గచ్చిబౌలి ప్రాంతంలో 13 ఏళ్ల బాలికను కత్తితో బెదిరించి అత్యాచారానికి పాల్పడినట్లు తెలిపారు. బుధవారం కోర్టులో హాజరుపరచగా పదేళ్ల జైలు శిక్ష, రూ.6వేల జరిమానా విధించినట్లు పేర్కొన్నారు.
Similar News
News April 16, 2026
సింగరాయకొండ: పేదింటి విద్యా కుసుమం కిరణ్కు జిల్లా ఫస్ట్
పేదింటి విద్యా కుసుమంగా నిలిచిన సింగరాయకొండకు చెందిన కత్తి కిరణ్ ఇంటర్ ద్వితీయ సంవత్సరం MPCలో 1000లో 975 మార్కులు సాధించి ప్రకాశం జిల్లా ప్రభుత్వ జూనియర్ కళాశాలల్లో ప్రథమ స్థానం దక్కించుకున్నాడు. తల్లిదండ్రులు హైదరాబాదులో కూలి పనులు చేస్తుండగా, నాయనమ్మ వద్ద ఉండి చదివిన కిరణ్ కష్టపడి ఈ విజయాన్ని సాధించాడు. అతని సాధనకు కళాశాల ప్రిన్సిపల్, అధ్యాపకులు అభినందనలు తెలిపారు.
News April 16, 2026
ప్రభుత్వ పాఠశాలల బలోపేతమే లక్ష్యం: కలెక్టర్
కలెక్టర్ పి. రాజాబాబు ఆధ్వర్యంలో ప్రభుత్వ పాఠశాలల పురోగతిపై సమీక్షా సమావేశం జరిగింది. విద్యా ప్రమాణాల పెంపునకు FLN బలోపేతం చేయాలని, PAL ల్యాబ్ ట్యాబ్స్ వినియోగం, క్రమం తప్పకుండా స్లిప్ టెస్టులు నిర్వహించాలని కలెక్టర్ సూచించారు. పాఠశాలల్లో మౌలిక వసతులు, పరిశుభ్రతతో పాటు విద్యార్థులకు పోషకాహారం, ప్రోటీన్ సప్లిమెంట్లు అందించాలని ఆదేశించారు.
News April 15, 2026
ప్రకాశం: ప్రభుత్వ కాలేజీ విద్యార్థి జిల్లా ఫస్ట్
ఇంటర్మీడియట్ ఫలితాల్లో S.కొండ ప్రభుత్వ జూనియర్ కళాశాల విద్యార్థులు అద్భుత ప్రతిభ కనబరిచారు. ముఖ్యంగా సెకండ్ ఇయర్ MPC విభాగంలో కత్తి కిరణ్ 975/1000 మార్కులు సాధించి ప్రకాశం జిల్లా అన్ని ప్రభుత్వ కళాశాలల్లోనే ప్రథమ స్థానంలో నిలిచినట్లు ప్రిన్సిపల్ సౌజన్య తెలిపారు. ఫస్ట్ ఇయర్ MPC-389, BiPC-411, CEC-459, HEC-441, 2nd ఇయర్లో BiPC-898, CEC-891, HEC-669 టాప్ మార్క్స్ సాధించినట్లు చెప్పారు.